క్రియేటివ్ డైరెక్టర్ సుకుమార్ దర్శకత్వంలో ఐకాన్ స్టార్ అల్లు అర్జున్ హీరోగా రాబోతున్న ‘పుష్ప 2 ది రూల్’ కోసం ఫ్యాన్స్ ఎంతో ఆసక్తిగా ఎదురుచూస్తున్నారు. అయితే, డిసెంబర్ 4న అమెరికా ప్రీమియర్స్ కోసం అత్యంత వేగంగా 50,000 టికెట్లు అమ్ముడుపోయిన సినిమాగా పుష్ప 2 రికార్డు సాధించింది. ఈ క్రమంలో మేకర్స్ స్పందిస్తూ ‘పుష్ప 2 కేవలం చరిత్ర సృష్టించట్లేదు. ప్రతి చోటా తన రూల్‌ను ముద్రిస్తున్నాడు’ అని మేకర్స్ రాసుకొచ్చారు. సుకుమార్ దర్శకత్వం వహించిన ఈ చిత్రం డిసెంబర్ 5న విడుదల కాబోతుంది.
ఇక ఈ మూవీలో నేషనల్ క్రష్ రష్మిక మందన్న హీరోయిన్ గా నటిస్తుంది. కాగా మైత్రి మూవీ మేకర్స్ సంస్థ పై నవీన్ ఎర్నేని, వై. రవిశంకర్ పాన్ ఇండియన్ రేంజ్ లో గ్రాండ్ గా నిర్మిస్తున్నారు. ఈ భారీ బడ్జెట్ చిత్రానికి దేవి శ్రీ ప్రసాద్ తో పాటు తమన్ కూడా సంగీతం అందిస్తున్నారు. మొత్తానికి పుష్ప-2 చిత్రానికి సంబంధించిన టికెట్లను బుక్ చేసుకునేందుకు అభిమానులు ఆసక్తిగా ఉన్నారు. మరి ‘పుష్ప 2’ డిసెంబర్ 5న ఎలాంటి ట్రీట్ ఇస్తుందో చూడాల్సిందే.