‘హను-మాన్’ మూవీతో హీరో తేజ సజ్జా ఒక్కసారిగా అందరి చూపులు తనవైపు తిప్పుకున్నాడు. సూపర్ హీరో సినిమాలో నటించడంతో తేజ సజ్జాకు అదిరిపోయే గుర్తింపు లభించింది. ఇక ఇప్పుడు తన నెక్స్ట్ మూవీని శరవేగంగా తెరకెక్కిస్తున్నాడు ఈ యంగ్ హీరో. ‘మిరాయ్’ అనే చిత్రంతో ప్రేక్షకుల ముందుకు వచ్చేందుకు సిద్ధమవుతున్నాడు.
దర్శకుడు కార్తీక్ ఘట్టమనేని డైరెక్ట్ చేస్తున్న ఈ ‘మిరాయ్’ సినిమాలో తేజ సజ్జా పాత్ర సాలిడ్‌గా ఉండబోతుందని మేకర్స్ చెబుతున్నారు. ఈ మూవీలో మంచు మనోజ్ విలన్ పాత్రలో నటిస్తున్నాడు. కాగా, తాజాగా ఈ చిత్రానికి సంబంధించిన ఆడియో రైట్స్‌ని ప్రముఖ సంస్థ టిప్స్ మంచి ఫ్యాన్సీ రేటుకు సొంతం చేసుకుంది. ఈ చిత్ర ఆడియో రైట్స్‌ను ఏకంగా రూ.2.5 కోట్లకు దక్కించుకుంది టిప్స్.
ఇలా ఆడియో రైట్స్‌ను మంచి రేటుకు అమ్ముకున్న ‘మిరాయ్’ మున్ముందు ఇంకా ఎలాంటి వండర్స్ క్రియేట్ చేస్తాడా అని అందరూ ఆసక్తిగా చూస్తున్నారు. ఈ చిత్రాన్ని పీపుల్ మీడియా ఫ్యాక్టరీపై టీజీ.విశ్వప్రసాద్ ప్రొడ్యూస్ చేస్తున్నారు.