తమిళ హీరో శివ కార్తికేయన్ నటించిన రీసెంట్ బ్లాక్‌బస్టర్ చిత్రం ‘అమరన్’ ప్రేక్షకులను ఆకట్టుకోవడంలో సక్సెస్ అయ్యింది. ఈ సినిమాను మేజర్ ముకుంద్ వరదరాజన్ రియల్ లైఫ్‌ని బేస్ చేసుకుని దర్శకుడు రాజ్ కుమార్ పెరియసామి తెరకెక్కించాడు. ఇక ఈ సినిమాలో అందాల భామ సాయి పల్లవి హీరోయిన్‌గా నటించి అందరి మనసులను గెలుచుకుంది.
ఈ చిత్రం బ్లాక్ బస్టర్ విజయాన్ని అందుకోవడంతో మేకర్స్ సంతోషం వ్యక్తం చేశారు. ఈ క్రమంలో తాజాగా ‘అమరన్’ చిత్ర టీమ్ ఇండియన్ డిఫెన్స్ మినిస్టర్ రాజ్‌నాథ్ సింగ్‌ను ప్రత్యేకంగా కలిశారు. ఆయన ‘అమరన్’ టీమ్‌ను తమ సక్సెస్‌పై అభినందించారు. ఇలాంటి రియల్ లైఫ్ హీరో చిత్రాలు ప్రేక్షకులకు మరిన్ని అందించాలని ఆయన ఈ సందర్భంగా కోరారు.
‘అమరన్’ చిత్రానికి జి.వి.ప్రకాష్ కుమార్ సంగీతం అందించాడు. ఈ సినిమాను కమల్ హాసన్ ప్రొడ్యూస్ చేయగా, బాక్సాఫీస్ దగ్గర ఈ మూవీ సాలిడ్ వసూళ్లు రాబట్టింది.