ప్రస్తుతం మన తెలుగు సినిమా నుంచి రిలీజ్ కి వచ్చి సూపర్ హిట్ అయ్యిన లేటెస్ట్ చిత్రాల్లో యంగ్ నటుడు ప్రియదర్శి ప్రధాన పాత్రలో నటించిన సోషల్ డ్రామా “కోర్ట్” కూడా ఒకటి. నాచురల్ స్టార్ నాని నిర్మాణం వహించిన ఈ చిత్రాన్ని దర్శకుడు రామ్ జగదీష్ తెరకెక్కించారు. అయితే ఈ చిత్రంలో మేకర్స్ ఒక ఇంట్రెస్టింగ్ కాన్సెప్ట్ ని ఎంచుకున్న సంగతి తెలిసిందే.
మరి తన బ్యానర్ పై నాని సాలిడ్ కంటెంట్ ఉన్న సినిమాలు అది కూడా ఒక్క రీజనల్ గా మాత్రమే కాకుండా నేషనల్ వైడ్ కూడా అందరికీ కనెక్ట్ అయ్యే కాన్సెప్ట్ లని తాను పట్టుకొస్తున్నాడని చెప్పవచ్చు. ఇలానే కోర్ట్ లో కూడా పాక్సో యాక్ట్ నేపథ్యంలో ఖచ్చితంగా పాన్ ఇండియా ఆడియెన్స్ కి కనెక్ట్ అయ్యే కాన్సెప్ట్ నే తీసుకొచ్చారు.
ఈ మధ్య కాలంలో ఈ తరహా సినిమాలు చిన్న సినిమాలు సింగిల్ భాషలోనే వచ్చినప్పటికీ ఓటిటిలో మాత్రం పాన్ ఇండియా భాషల్లో వస్తున్నాయి. సో నాని కూడా ఈ స్టెప్ ని తీసుకొని ఓటిటిలో ఇతర డబ్బింగ్ భాషల్లో కూడా వదులుతాడా లేదా అనేది ఆసక్తిగా మారింది. లేదా రీమేక్ కోసం ఇతర భాషల నుంచి ఏమన్నా పిలుపు వస్తుందా అనేవి వేచి చూడాలి. ఇక ఈ చిత్రం స్ట్రీమింగ్ హక్కులు నెట్ ఫ్లిక్స్ సొంతం చేసుకోగా థియేట్రికల్ రిలీజ్ తర్వాత అందులో రానుంది.