కామెడి హీరో సునీల్ కు తెలగాణ సెగ తగిలింది. తన చిత్రం ‘పూలరంగడు’ షూటింగ్ ను ఇవాళ ఆందోళనా కారులు అడ్డుకున్నారు. శంషాబాద్ వద్ద షూటింగ్ జరుగుతున్న సమయంలో కొందరు అక్కడికి చేరుకొని తెలంగాణా నినాదాలు చేస్తూ షూటింగ్ ను భగ్నం చేసారు.
విధిలేని పరిస్తితుల్లో చిత్ర యూనిట్ షూటింగ్ ను రద్దు చేసుకుంది. ‘పూలరంగడు’ చిత్రానికి వీరభద్రం చౌదరి దర్శకత్వం వహిస్తున్నారు. ఈ సినిమాలో హీరోగా సునీల్, హీరోయిన్ గా హాట్ బ్యూటీ ఇషా చావ్లా నటిస్తున్నారు. కమర్షియల్ కామెడీ ఎంటర్టైనర్ గా రూపొందిస్తున్న ఈ చిత్రానికి నిర్మాత అచ్చి రెడ్డి.
రాష్ట్రంలో కొనసాగుతున్న ఆందోళనలు ఇప్పటికే ఈ ఏడాది తెలుగు సినిమా పరిశ్రమకు భారీ నష్టాలను మిగిల్చిన సంగతి తెలిసిందే.