త్వరలో రాబోయే ‘బెజవాడ’ చిత్రంలో నాగచైతన్య సరసన అమల పాల్ సందడి చేయనుంది. తాజాగా ఈ సుందరి తమిళ చిత్రంలో నటించే అవకాశం కొట్టేసింది. హరి డైరెక్షన్ లో రాబోతోన్న సూర్య నెక్స్ట్ ఫిలిం లో నటించేందుకు ఈమె సంతకం కూడా చేసేసింది. ఇంతకుముందు హరి – సూర్య కాంబినేషన్ లో వచ్చిన ‘సిగ్నం’ సినిమా సూపర్ హిట్ అయిన సంగతి తెలిసిందే. ఇప్పుడు రాబోతున్న ఈ తాజా చిత్రం దీనికి సీక్వెన్స్ గా భావిస్తున్నారు. అయితే దీనికి సంభందించి అధికారిక సమాచారం మాత్రం ఇంకా వెలువడలేదు.
ఇప్పటివరకూ డబ్బింగ్ సినిమాలైన ‘మైనా’, ‘నాన్న’ సినిమాల్లో అలరించిన అమల పాల్ తొలిసారి డైరెక్ట్ తెలుగు ఫిల్మ్ ‘బెజవాడ’ సినిమాలో నటించారు. దీనితో కేరళ, తమిళనాడు ప్రాంతాల నుంచి వచ్చి తెలుగు ఫిల్మ్ ఇండస్ట్రీలో తమ సత్తా చాటుతోన్న సుందరంగుల జాబితాలో ఈ భామా చేరిపోయింది.
కాగా, సూర్య ప్రస్తుతం కెవి ఆనంద్ దర్శకత్వం లో ‘మాత్రాన్’ సినిమాలో నటిస్తున్నారు. ఈ సినిమాలో కాజల్ అగర్వాల్ లీడ్ రోల్ చేస్తోంది. ఈ మూవీ తమిళ, తెలుగు భాషల్లో కొత్త సంవత్సరంలో ప్రేక్షకుల ముందుకు రానుంది.