ఇంటర్వ్యూ : శివ కందుకూరి – కంటెంట్‌తో కూడిన సినిమాలు చేయాలనుకుంటున్నాను

ఇంటర్వ్యూ : శివ కందుకూరి – కంటెంట్‌తో కూడిన సినిమాలు చేయాలనుకుంటున్నాను

Published on Feb 18, 2022 11:30 AM IST


తన ఇంజనీరింగ్ పూర్తి చేసి న‌ట‌న‌పై ఆస‌క్తితో సినిమారంగంలోకి అడుగుపెట్టిన శివ కందుకూరి 2020లో `చూసి చూడంగానే` సినిమా ద్వారా సినీ రంగంలోకి అడుగు పెట్టారు. న‌టుడిగా గుర్తింపు పొందిన ఆయ‌న‌కు `గ‌మ‌నం` సినిమా మ‌రింత‌గా పేరు తెచ్చింది. అందులో చారుహాస‌న్‌, శ్రియా శ‌ర‌ణ్ వంటి న‌టీన‌టుల‌నుంచి ఎంతో నేర్చుకున్నాననీ తెలియ‌జేస్తున్నారు. `పెళ్లి చూపులు’ ఫేమ్ రాజ్ కందుకూరి కుమారుడిగా నేప‌థ్యం వున్నా క‌ష్ట‌ప‌డి తానేంటో నిరూపించుకుకోవాల‌నేదే త‌న కోరిక‌ని తెలియ‌జేస్తున్నాడు. శుక్ర‌వారం ఫిబ్ర‌వ‌రి 18న శివ కందుకూరి పుట్టిన‌రోజు. ఈ సంద‌ర్భంగా గురువారంనాడు మీడియాలో ప‌లు విష‌యాలను తెలియ‌జేశారు.

చెప్పండి ఎలాంటి కథలు అయితే మీరు ఓకే చేసారు?

సినిమా చేయాలంటే క‌థ‌, కేరెక్ట‌ర్‌లో ప‌ర్‌ప‌స్ వుండేలా చూస్తాను. అలాగే అలాగే క‌థ‌ల‌ను ఎంపిక చేసుకున్నా. `గ‌మ‌నం` అలా చేసిందే. ఆ సినిమా ఓటీటీలో విడుద‌లై అద్భుత‌మైన రెస్పాన్స్ వ‌చ్చింది. ప్రేక్ష‌కులు ఆద‌రించారు. దాన్ని బ‌ట్టి నేను ఎంచుకున్న విధానం క‌రెక్ట్ అనిపించింది. కనీసం నా కెరీర్ తొలిదశలో అయినా కంటెంట్ ఓరియెంటెడ్ సినిమాలు చేయాలనుకుంటున్నాను. కమర్షియల్ సినిమాలు చేసినా ఆర్గానిక్ సినిమాలే చేస్తాను. ‘మను చరిత్ర’ ఆర్గానిక్‌గా ఉండబోతోంది. క్యారెక్టర్ జర్నీ, స్టోరీ రియలిస్టిక్ గా ఉంటుంది.

మీ లైనప్ లో మీ కుటుంబం ప్రమేయం ఏమన్నా ఉంటుందా?

వచ్చే ఐదేళ్లలో నేను కొన్ని సినిమాలు మాత్రమే చేయగలను. వాల్యూమ్ పట్టింపు లేదు. మా నాన్న సినిమా ఇండస్ట్రీలో చాలా ఏళ్లుగా ఉన్నారు. సినిమా చేయాలా వద్దా అనే నిర్ణయం నాపై ఆధారపడి ఉంటుంది. నాన్న‌గారు కేవలం ఏదైనా స‌జెన్స్‌ మాత్రమే ఇస్తాడు. చాలా సార్లు నా అభిప్రాయాలకే పెద్ద పీట వేస్తారు.

ఇది వరకు మీరు చేసిన సినిమాల నుంచి నేర్చుకున్నది ఏంటి?

కెరీర్ మొద‌టిలోనే `గ‌మ‌నం` ద్వారా చారు హాసన్ సర్, ఇళ‌య‌రాజా సంగీతం, సినిమాటోగ్రాఫర్ విఎస్ జ్ఞానశేఖర్ వంటి సీనియర్లను గమనించి నేను చాలా నేర్చుకున్నాను. నా రెండో సినిమా ‘గమనం’లో ప్రతిభావంతులైన వారితో కలిసి పని చేశాను. క‌థ విన్న‌ప్పుడే నా గ్రాడ్ ఫాద‌ర్‌తో వున్న ఎటాచ్‌మెంట్‌ చారు హాస‌న్‌తో క‌నెక్ట్ అయింది. న‌ట‌న‌కూ స్కోప్ వున్న చిత్ర‌మ‌ది. డెడికేష‌న్ వారి నుంచి నేర్చుకున్నా.

ప్రస్తుతం యంగ్ హీరోలు చాలా మందే ఉన్నారు, ఈ పోటీపై మీరేం అంటారు?

ప్ర‌స్తుతం ఇండస్ట్రీలో యూత్ హీరోల‌తో భారీ పోటీ ఉంటుంది. అదీ పాజిటివ్ కోణంలోనే వుంది. ప్ర‌తి ఒక్క‌రూ క‌థాపరంగా విభిన్నంగా ఏదైనా చేయాలని కోరుకుంటారు.

ఓటిటి పై మీరేం చెప్తారు?

పెద్ద చిత్రాల‌తో పాటుగా తక్కువ బడ్జెట్‌లతో రూపొందించబడిన చిత్రాలకు ఓటిటి ఒక ఫ్లాట్‌ఫార‌మ్‌గా మారింది. అందులో కంటెంట్-ఆధారిత కథనాలను చెప్పడానికి ఎక్కువ అవకాశం ఉంది. కొత్త వారికి ఇది చాలా ఆరోగ్యకరమైన విష‌యం.

మీ మను చరిత్ర కోసం ఏమన్నా చెప్పండి?

కొత్త సినిమాల‌ప‌రంగా చూస్తే, ‘మను చరిత్ర’ చిత్రీకరణ పూర్తి చేసుకుంది. క్రైమ్ థ్రిల్లర్ కూడా చేస్తున్నాను. నూతన దర్శకుడు పురుషోత్తం రాజ్ దీనికి దర్శకుడు. నేచురల్ స్టార్ నాని గారు నిర్మిస్తున్న ‘మీట్ క్యూట్ వెబ్ ఫిలింలో చేస్తున్నాను. మ‌రో వెబ్ సిరీస్ కూడా చ‌ర్చ‌ల్లో వుంది. ఓటీటీ అనేది పేండ‌మిక్ త‌ర్వాత ప్రేక్ష‌కుల‌కు మంచి వినోద సాధ‌నంగా మారిపోయింది. ఏదైనా థియేట‌ర్‌ను బీట్ చేయ‌లేదు.

ఫైనల్ గా మీ బర్త్ డే రిజల్యూషన్స్ ఏమన్నా ఉన్నాయా?

నా బ‌ర్ద్ డే రిజ‌ల్యూష‌న్ పెద్ద‌గా లేవు. ఆర్గానిక్ స్టోరీలు చెప్పాల‌నుకుంటున్నాను. క‌రోనా అనే గేప్ కూడా క‌థ‌లు ఎంచుకునేవిధానంలో మార్పును ప్ర‌తి ఆర్టిస్టులో క‌ల‌గ‌జేసిందని చెప్ప‌గ‌ల‌ను. మను చ‌రిత్ర అనే సినిమా రెండు నెల‌లో రిలీజ్ చేయాల‌నుకుంటున్నామ‌ని తెలిపారు.

సంబంధిత సమాచారం

తాజా వార్తలు