యంగ్ టైగర్ ఎన్టీయార్ యాక్షన్ ఎంటర్ టైనర్ ‘దమ్ము’ ప్రస్తుతం అన్నపూర్ణ స్టూడియోస్ లో షూటింగ్ జరుపుకుంటుంది. కొన్ని ఫ్యామిలీ సన్నివేశాలు చిత్రీకరించేందుకు అక్కడ ఒక భారీ సెట్ ఏర్పాటు చేసారు. అన్నపూర్ణ స్టూడియో లో షూటింగ్ ఈ రోజుతో ముగుస్తుంది. కొత్త షెడ్యూల్ నవంబర్ 12 నుంచి పోలాచి లో ప్రారంభంకానుంది. చిత్ర వర్గాల సమాచారం ప్రకారం కొన్ని ఫైటింగ్ సన్నివేశాలను అలియార్ డ్యాం, ఇంకా వల్పరాయ్ రిజర్వ్ లో చిత్రీకరించనున్నారు.
నందమూరి నట సింహం బాలయ్య తో ‘సింహ’ వంటి బ్లాక్ బస్టర్ చిత్రాన్ని అందించిన దర్శకుడు బోయపాటి శ్రీను ఈ చిత్రానికి దర్శకత్వం వహిస్తున్నారు. శ్రుతి హసన్ స్థానం లో త్రిష ఈ సినిమాలో హీరోయిన్ గా నటిస్తోంది. మరియూ కార్తీక ఈ మూవీ లో ప్రధాన పాత్రలో నటిస్తుంది. సంగీతం ఎంఎం కీరవాణి అందిస్తున్నారు.
ఈ సినిమాలో ఎన్టీయార్ కొత్త లుక్ తో కనిపించనున్నారు. కథ విషయానికి వస్తే, ఈ సినిమా ఒక పూర్తి స్థాయీ కమర్షియల్ ఎంటర్ టైనర్ గా ఉండబోతుందని తెలుస్తోంది.