బాలకృష్ణ శ్రీ రాముడిగా నటించిన భక్తి రస చిత్రం శ్రీ రామ రాజ్యం ప్రపంచ వ్యాప్తంగా రేపు విడదలవుతోంది. బాపు దర్శకత్వం వహించిన ఈ చిత్రంలో శ్రీ రాముడిగా బాలకృష్ణ, సీతగా నయన తార, వాల్మీకిగా అక్కినేని నాగేశ్వర రావు, లక్ష్మనుడిగా శ్రీకాంత్, భూదేవిగా రోజా ముఖ్య పాత్రలలో నటించారు. ఇళయరాజా స్వరాలు సమకూర్చిన ఈ చిత్ర పాటలు విశేష ఆదరణ పొందాయి. ఇటీవల విడుదల చేసిన శ్రీ రాముడి గెటప్ కి మంచి స్పందన లబిస్తోంది.
ఈ చిత్ర నిర్మాత సాయి బాబు గారు శ్రీ రామ రాజ్యం చిత్రాన్ని తమిళ్ లో డబ్బింగ్ చేయడానికి ప్లాన్ చేస్తున్నట్లు సమాచారం. దీనికి సంబంధించి అధికారికంగా ఎటువంటి సమాచారం లేనప్పటికీ నయనతారకి తమిళ్ లో క్రేజ్ ఉండటం ఇటీవల విడుదలైన అరుంధతి ఘన విజయం సాధించటం వంటి పలు అంశాలు దృష్టిలో పెట్టుకొని నిర్మాత ఈ సాహసం చేస్తున్నట్లు తెలుస్తోంది.