పవర్ స్టార్ పవన్ కళ్యాణ్ హీరోగా నిధి అగర్వాల్ హీరోయిన్ గా దర్శకుడు జ్యోతి కృష్ణ తెరకెక్కిస్తున్న భారీ పాన్ ఇండియా చిత్రం “హరిహర వీరమల్లు” కోసం అందరికీ తెలిసిందే. మరి ఎన్నో అంచనాలు సెట్ చేసుకున్న ఈ చిత్రం కోసం అభిమానులు ఎప్పుడు నుంచో ఎదురు చూస్తున్నారు. అయితే షూటింగ్ దాదాపు పూర్తి కావచ్చిన ఈ చిత్రం నుంచి ఫస్ట్ సింగిల్ ఎప్పుడెప్పుడు వస్తుందా అనేది కూడా చాలా మంది ఎదురు చూసారు.
ఆ మధ్య నుంచి ఈ సాంగ్ అది కూడా పవన్ పాడిన సాంగ్ వస్తుందని టాక్ వచ్చింది కానీ ఇంకా రాలేదు. అయితే ఇపుడు ఫైనల్ గా ఈ సాంగ్ ఈ కొత్త ఏడాది ఆరంభంతో రానుంది అని తెలుస్తుంది. జనవరి 1 ఆరంభం తోనే పవన్ పాడిన ఈ స్పెషల్ సాంగ్ ని మేకర్స్ రాత్రి 12 గంటలకి రిలీజ్ చేయనున్నారట. మరి దీనిపై అధికారిక క్లారిటీ రావాల్సి ఉంది. ఇక ఈ చిత్రానికి కీరవాణి సంగీతం అందించగా ఏ ఎం రత్నం నిర్మాణం వహిస్తున్నారు.
