యంగ్ టైగర్ ఎన్టీఆర్, బాలీవుడ్ బ్యూటీ జాన్వీ కపూర్ ప్రధాన పాత్రల్లో, దర్శకుడు కొరటాల శివ దర్శకత్వంలో తెరకెక్కుతున్న ఔట్ అండ్ ఔట్ మాస్ యాక్షన్ ఎంటర్టైనర్ దేవర. సెప్టెంబర్ 27 వ తేదీన వరల్డ్ వైడ్ గా థియేటర్లలో రిలీజ్ కాబోతున్న ఈ పాన్ ఇండియా మూవీ పై ప్రేక్షకుల్లో, అభిమానుల్లో భారీ అంచనాలు నెలకొన్నాయి. ఇప్పటికే ఈ చిత్రం నుండి రిలీజైన ప్రచార చిత్రాలకి సూపర్ రెస్పాన్స్ వచ్చింది. ఇటీవల ఈ చిత్రం నుండి రిలీజైన చుట్టమల్లె సాంగ్ కి రెస్పాన్స్ మాత్రం అదుర్స్ అని చెప్పాలి.
ఈ పాట ఇప్పటి వరకు 125 మిలియన్స్ కి పైగా వ్యూస్ ను రాబట్టడం జరిగింది. ఇది సెన్సేషన్ రెస్పాన్స్ అని చెప్పాలి. రాక్ స్టార్ అనిరుధ్ రవి చందర్ కంపోజ్ చేసిన ఈ పాత్రకి శిల్పా రావు వోకల్స్ అందించారు. ఇక సైఫ్ అలీఖాన్ విలన్ పాత్రలో నటిస్తుండగా, యువ సుధ ఆర్ట్స్ మరియు ఎన్టీఆర్ ఆర్ట్స్ బ్యానర్ లపై ఈ చిత్రాన్ని భారీ బడ్జెట్తో నిర్మిస్తున్నారు.
