యంగ్ టైగర్ ఎన్టీఆర్ హీరోగా నటిస్తున్న లేటెస్ట్ మూవీ దేవర. సెప్టెంబర్ 27 వ తేదీన వరల్డ్ వైడ్ థియేట్రికల్ రిలీజ్ కి రెడీ అయిన ఈ భారీ యాక్షన్ ఎంటర్టైనర్ లో జాన్వీ కపూర్ హీరోయిన్ గా నటిస్తుండగా, సైఫ్ అలీఖాన్ విలన్ పాత్రలో కనిపించనున్నాడు. ఈ చిత్రం నుండి రిలీజైన ప్రచార చిత్రాలకి ఇప్పటికే మంచి రెస్పాన్స్ రాగా, మేకర్స్ నిన్న సెకండ్ సింగిల్ చుట్టమల్లే సాంగ్ ను రిలీజ్ చేశారు.
ఈ రొమాంటిక్ ట్రాక్ అభిమానులని బాగా అలరిస్తోంది. యూట్యూబ్ లో 33 మిలియన్స్ కి పైగా వ్యూస్ ను సొంతం చేసుకొని, టాప్ లో ట్రెండ్ అవుతోంది. ఇది సెన్సేషన్ రెస్పాన్స్ అని చెప్పాలి. శిల్పా రావు వోకల్స్ ఆడియెన్స్ ను ట్రాన్స్ లోకి తీసుకెళ్తున్నాయి. రామజోగయ్య శాస్త్రి అందించిన లిరిక్స్ అదరగొట్టేశాయి. రాక్ స్టార్ అనిరుద్ రవి చందర్ కంపోజ్ చేసిన ఈ సాంగ్ ను వెండితెర పై చూసేందుకు ఫ్యాన్స్ ఎదురు చూస్తున్నారు. కొరటాల శివ దర్శకత్వంలో తెరకెక్కుతున్న ఈ చిత్రంపై ప్రేక్షకుల్లో, అభిమానుల్లో భారీ అంచనాలు నెలకొన్నాయి.
