యంగ్ టైగర్ ఎన్టీఆర్ హీరోగా, కొరటాల శివ దర్శకత్వంలో తెరకెక్కుతున్న దేవర చిత్రం పై ప్రేక్షకుల్లో, అభిమానుల్లో భారీ అంచనాలు నెలకొన్నాయి. అందుకు కారణం జనతా గ్యారేజ్ తరువాత వీరి కాంబినేషన్ లో వస్తున్న చిత్రం కావడం, ఎన్టీఆర్ ఆర్ఆర్ఆర్ బ్లాక్ బస్టర్ తరువాత వస్తున్న చిత్రం కావడం. ఈ చిత్రం నుండి ఇప్పటి వరకూ రిలీజైన ప్రచార చిత్రాలు మంచి రెస్పాన్స్ ను సొంతం చేసుకున్నాయి. మ్యూజిక్ డైరెక్టర్ అనిరుధ్ రవి చందర్ అందించిన సంగీతం వేరే లెవెల్లో ఉండబోతుంది అని రిలీజైన పాటలు చెబుతున్నాయి.
చుట్టమల్లే సాంగ్ కి ఫ్యాన్స్ అడిక్ట్ అయ్యారు అని అనడంలో ఎలాంటి సందేహం లేదు. ఈ సాంగ్ 45 మిలియన్ వ్యూస్ తో దూసుకు పోతుంది. ఇప్పుడు అప్పుడే ఈ సాంగ్ వ్యూస్ ఆగేలా లేవు. త్వరలో 100 మిలియన్స్ వ్యూస్ వచ్చే అవకాశాలు కనిపిస్తున్నాయి. రామజోగయ్య శాస్త్రి రాసిన లిరిక్స్, శిల్పా రావు వోకల్స్, అనిరుధ్ రవి చందర్ సాంగ్ ను కంపోజ్ చేయడం, ఇలా అన్ని కూడా పీక్స్ లో ఉన్నాయి. జాన్వీ కపూర్, ఎన్టీఆర్ లను ఇలాంటి రొమాంటిక్ ట్రాక్ లో చూడటం పట్ల ఫ్యాన్స్ సంతోషం వ్యక్తం చేస్తున్నారు. సెప్టెంబర్ 27 వ తేదీన వెండితెర పై చూసేందుకు మరింత ఆసక్తి చూపిస్తున్నారు.
