5 లక్షలకు పైగా రీల్స్ తో “దేవర” సెకండ్ సింగిల్!

యంగ్ టైగర్ ఎన్టీఆర్ హీరోగా నటిస్తున్న పాన్ ఇండియా మూవీ దేవర కోసం ప్రేక్షకులు, అభిమానులు ఎంతగానో ఎదురు చూస్తున్నారు. సెప్టెంబర్ 27, 2024 న వరల్డ్ వైడ్ గా థియేటర్లలో రిలీజ్ కి రెడీ అవుతున్న ఈ చిత్రంలో జాన్వీ కపూర్ హీరోయిన్ గా నటిస్తుండగా, రాక్ స్టార్ అనిరుధ్ రవి చందర్ సంగీతం అందిస్తున్నాడు. ఈ చిత్రం నుండి రిలీజైన సెకండ్ సింగిల్ చుట్టమల్లె కి సెన్సేషన్ రెస్పాన్స్ వస్తోంది.

ఈ పాటకి సోషల్ మీడియాలో ఇప్పటి వరకూ 5 లక్షలకు పైగా రీల్స్ వచ్చాయి. ఈ రొమాంటిక్ ట్రాక్ కి ఫ్యాన్స్ ఫిదా అయిపోయారు. ఎన్టీఆర్ ఆర్ట్స్ మరియు యువ సుధ ఆర్ట్స్ బ్యానర్ల పై నిర్మిస్తున్న ఈ చిత్రంలో బాలీవుడ్ నటుడు సైఫ్ అలీఖాన్ విలన్ గా నటిస్తున్నాడు. ఈ చిత్రంపై ప్రేక్షకుల్లో, అభిమానుల్లో భారీ అంచనాలు నెలకొన్నాయి.