ప్రముఖ నిర్మాణ సంస్థ మైత్రీ మూవీ మేకర్స్ భారీ బడ్జెట్ చిత్రాలతో పాటు కంటెంట్ ఉన్న సినిమాలను ప్రొడ్యూస్ చేస్తూ ఆడియెన్స్‌ని ఆకట్టుకుంటుంది. ఈ బ్యానర్ నుంచి వస్తున్న తాజా చిత్రం ‘8 వసంతాలు’ ఇప్పటికే శరవేగంగా షూటింగ్ జరుపుకుంటోంది. ఈ సినిమాను ఫణీంద్ర నర్సెట్టి డైరెక్ట్ చేస్తున్నాడు.
‘మ్యాడ్’ ఫేం బ్యూటీ అనంతిక ఈ సినిమాలో లీడ్ రోల్‌లో నటిస్తోంది. ఆమె పాత్రకు సంబంధించిన ఫస్ట్ లుక్ పోస్టర్‌ని కూడా ఇప్పటికే రివీల్ చేయగా, దానికి మంచి రెస్పాన్స్ లభించింది. ఊటీ, హైదరాబాద్, కన్యాకుమారి వంటి పలు ప్రదేశాల్లో ఈ మూవీ షూటింగ్ జరుపుకుంది. ఇక నెక్ట్స్ షెడ్యూల్ కోసం ఈ చిత్ర యూనిట్ కాశ్మీర్, ఆగ్రా, వారణాసి ప్రాంతాలకు వెళ్లనుంది. ఈ షెడ్యూల్‌తో షూటింగ్ ముగియనుందని మేకర్స్ చెబుతున్నారు.
ఈ సినిమాకు సంబంధించిన ఎడిటింగ్ వర్క్ కూడా ఇప్పటికే శరవేగంగా జరుగుతోంది. ఇక ఈ సినిమాకు హేషమ్ అబ్దుల్ వాహబ్ సంగీతం అందిస్తుండగా, విశ్వనాథ్ రెడ్డి సినిమాటోగ్రఫీ అందిస్తున్నారు. ఈ సినిమాలో హను రెడ్డి, రవితేజ దుగ్గిరాల, సంజన, కన్నా, సమీర్ కిషోర్ తదితరులు ఇతర ముఖ్య పాత్రల్లో నటిస్తున్నారు.
