ప్రముఖ నటుడు శివాజీ, వాసుకి ఆనంద్, మౌళి, అనిల్, వసంతిక, సిద్దార్థ్, రోహన్ రాయ్ లు ముఖ్య పాత్రల్లో, ఆదిత్య హాసన్ రచన, దర్శకత్వంలో తెరకెక్కిన వెబ్ సిరీస్ #90s – ఎ మిడిల్ క్లాస్ బయోపిక్. ఈ వెబ్ సిరీస్ మరో ఘనత సాధించింది. ఎంతో ఆదరణ పొందిన ఈ వెబ్ సిరీస్ దేశ వ్యాప్తంగా మంచి క్రేజ్ ను సొంతం చేసుకుంది. భారతదేశంలో అత్యుత్తమ వెబ్ సిరీస్ గా ఇప్పుడు గుర్తింపు పొందింది. ఈ ఘనత సాధించిన తొలి తెలుగు వెబ్ సిరీస్ గా ఇది నిలిచింది.
Ormax సర్వే ప్రకారం #90s – ఎ మిడిల్ క్లాస్ బయోపిక్ భారతదేశం అంతటా అత్యధికంగా లైక్ చేయబడిన సిరీస్ గా నిలిచింది. ఎన్నో పెద్ద పెద్ద షో లను ఇది అధిగమించింది. ఈ విషయం పట్ల ఈటీవీ విన్ వారు సంతోషం వ్యక్తం చేస్తున్నారు. సురేష్ బొబ్బిలి సంగీతం అందించిన ఈ వెబ్ సిరీస్ జనవరి 5 నుండి ఈటీవీ విన్ లో అందుబాటులో ఉంది.
