యుగంధర్ ముని దర్శకత్వం లో అవంతిక ప్రొడక్షన్స్ పతాకంపై గీతా మిన్సాల నిర్మించిన చిత్రం “A- Ad Infinitum”. ఇటీవలే థియేటర్లలో రిలీజ్ అయ్యి మంచి టాక్ ని తెచ్చుకుంది. నితిన్ ప్రసన్న, ప్రీతి అస్రాని హీరోహీరోయిన్లుగా నటించారు.
ఈ సినిమా పై మొదటినుంచి మంచి అంచనాల తో డిఫరెంట్ థ్రిల్లర్ చిత్రంగా తెరకెక్కి ప్రేక్షకులను ఆకట్టుకోవడంలో సఫలమయ్యింది. మొదటి ఆటనుంచే మంచి రెస్పాన్స్ రాబట్టుకోవడమే కాకుండా విభిన్నమైన కాన్సెప్ట్ ఉన్న సినిమా గా విమర్శకుల ప్రశంశలు సంపాదించుకుంది. విజయ్ కురాకుల సంగీతం కు మంచి పేరు రాగా అనంత్ శ్రీరామ్ అద్భుతమైన సాహిత్యాన్నీ అందించారని కితాబు దక్కించుకున్నాడు.
తాజాగా ఈ సినిమా అమెజాన్ ప్రైమ్ లో స్ట్రీమింగ్ అవుతున్నట్లు చిత్ర బృందం ప్రకటించింది.. థియేటర్లలో ఈ సినిమా కి ఉన్న డిమాండ్ చూసి అమెజాన్ ఫాన్సీ ధరకు ఈ సినిమా ను కొనుగోలు చేసింది. కాగా ప్రస్తుతం అమెజాన్ లో కూడా ఈ సినిమా ఇతర టాప్ సినిమాలకు పోటీ గా నిలుస్తుంది.