ఎన్టీఆర్ తో తన సినిమా షూటింగ్స్ ప్లాన్ లో ఉన్నాడు ప్రశాంత్ నీల్. ఇప్పుడున్న సమాచారం ప్రకారం సెప్టెంబర్ నుంచి ఓ యాక్షన్ షెడ్యూల్ ను షూట్ చేస్తారని.. ఈ షెడ్యూల్ లో ఎన్టీఆర్ తో పాటు యానిమల్ ఫేమ్ బాబీ డియోల్ కూడా జాయిన్ అవుతారని ఇప్పటికే వార్తలు వచ్చాయి. ఐతే, ఇదిలా ఉంటే.. తాజాగా ప్రశాంత్ నీల్ 2026లో ‘కేజీఎఫ్-3’ని స్టార్ట్ చేస్తారనే వార్త కోలీవుడ్‌ వర్గాల్లో హాట్ టాపిక్ గా మారింది.
పైగా కేజీఎఫ్-3 లో హీరో యశ్ కాదట. తమిళ హీరో అజిత్‌ అని తెలుస్తోంది. ఆల్ రెడీ అజిత్‌ అగ్రిమెంట్‌పై సంతకం చేశారని కూడా ఆ వార్తల సారాంశం. ఈ వార్త పై మూవీ టీమ్ నుంచి ఇంకా అధికారికంగా సమాచారం రాలేదు. ప్రస్తుతానికి ప్రశాంత్ నీల్ మాత్రం ఓన్లీ ఎన్టీఆర్ సినిమా పైనే తన ఫుల్ ఫోకస్ పెట్టినట్లు తెలుస్తోంది.
అన్నట్టు ఆ మధ్య ఈ పవర్‌ హౌస్ ప్రాజెక్ట్ కోసం మిమ్మల్ని మీరు సిద్ధం చేసుకోండి అంటూ ఈ చిత్రబృందం ఓ మెసేజ్ ను కూడా పోస్ట్ చేసింది. మొత్తానికి ఈ సినిమా పై భారీగా అంచనాలు పెరిగిపోయాయి.