మిల్కీ బ్యూటీ తమన్నా ఇపుడు తెలుగు సినిమాలు సహా హిందీలో కూడా పలు చిత్రాలు వెబ్ సిరీస్ చేస్తున్న సంగతి తెలిసిందే. మరి ఈ చిత్రాల్లో దర్శకుడు సంపత్ నంది రచనలో దర్శకుడు అశోక్ తేజ్ తెరకెక్కిస్తున్న సాలిడ్ థ్రిల్లర్ సీక్వెల్ చిత్రం “ఓదెల 2” కూడా ఒకటి. మరి ఈ చిత్రంలో తమన్నా మొదటిసారి ఓ కంప్లీట్ భిన్నమైన పాత్ర పోషిస్తుండగా ఈ సినిమాలో ఈమె లుక్, డ్రెస్సింగ్ వంటివి ఇది వరకే ఆసక్తి రేపాయి.
మరి నేడు తమన్నా పుట్టినరోజు కానుకగా అయితే మేకర్స్ మరో స్టన్నింగ్ పోస్టర్ ని ఆమెపై రిలీజ్ చేశారు. మరి అఘోరి గెటప్ లో తమన్నా నల్లటి కాపాలాలపై నడుచుకుంటూ వస్తున్న సీరియస్ లుక్ గమనించవచ్చు. దీనితో ఈ సినిమాలో తన రోల్ ఎంత స్ట్రాంగ్ గా ఉంటుంది అనేది అర్ధం చేసుకోవచ్చు. మరి ఈ చిత్రానికి అజనీష్ లోకనాథ్ సంగీతం అందిస్తుండగా డి మధు నిర్మాణం వహిస్తున్నారు. అలాగే త్వరలోనే నేషనల్ రిలీజ్ కి ఈ చిత్రాన్ని తీసుకురాబోతున్నారు.