నార్నే నితిన్, నయన్ సారిక లు ప్రధాన పాత్రల్లో, అంజి కె. మనిపుత్ర దర్శకత్వంలో తెరకెక్కిన కామెడీ ఎంటర్టైనర్ ఆయ్. GA2 పిక్చర్స్ పతాకంపై నిర్మించిన ఈ చిత్రం థియేటర్లలో రిలీజ్ కి రెడీ అయిపోయింది. ఆగస్టు 15 వ తేదీన పెయిడ్ ప్రీమియర్ లతో ప్రేక్షకుల ముందుకి రాబోతుంది. ఇప్పటికే ఈ చిత్రం నుండి రిలీజైన ప్రచార చిత్రాలు సినిమా పై ఆసక్తిని పెంచాయి. రిలీజైన ట్రైలర్ తో సినిమా పక్కా ఎంటర్ టైనర్ అని హింట్స్ వచ్చాయి. లేటెస్ట్ న్యూస్ ఏంటంటే, ఈ చిత్రం తాజాగా సెన్సార్ కార్యక్రమాలను పూర్తి చేసుకుంది.
సెన్సార్ బోర్డు వారు ఈ చిత్రానికి యూ/ఏ (U/A) సర్టిఫికెట్ ను ఇచ్చారు. అంతేకాక ఈ చిత్రం 2 గంటల 21 నిమిషాల రన్ టైమ్ ను కలిగి ఉన్నట్లు తెలుస్తోంది. అల్లు అరవింద్ సమర్పకులు గా వ్యవహరిస్తున్న ఈ చిత్రాన్ని బన్నీ వాస్ మరియు విద్యా కొప్పినీడి లు సంయుక్తంగా నిర్మిస్తున్నారు. ఈ చిత్రంపై అందరిలో ఆసక్తి నెలకొంది.