అంజి కే. మణిపుత్ర దర్శకత్వంలో నార్నే నాని మరియు నయన్ సారిక ప్రధాన పాత్రల్లో నటించిన రొమాంటిక్ కామెడీ ఎంటర్టైనర్ ఆయ్. ఈ చిత్రం థియేటర్లలో రిలీజ్ అయ్యి ప్రేక్షకులను విశేషంగా ఆకట్టుకుంటుంది. బాక్సాఫీస్ వద్ద మంచి వసూళ్లతో దూసుకు పోతుంది. ఈ చిత్రం ఐదో రోజు కూడా స్ట్రాంగ్ హోల్డ్ తో మంచి వసూళ్లను రాబట్టింది. ఐదో రోజు వరల్డ్ వైడ్ గా 1.2 కోట్ల రూపాయల వసూళ్లను రాబట్టింది.
గతవారం రిలీజైన మిగతా చిత్రాల కంటే చాలా బెటర్ గా పర్ఫాం చేస్తోంది ఆయ్. GA2 పిక్చర్స్ పతాకంపై బన్నీ వాస్ నిర్మించిన ఈ చిత్రానికి రామ్ మిరియాల సంగీతం అందించారు. మౌత్ టాక్ సినిమాకి ప్లస్ కాగా, రిలీజ్ కి ముందు ప్రచార చిత్రాలు కూడా సినిమా పై హైప్ కి కారణం అయ్యాయి. ఈ చిత్రం లాంగ్ రన్ లో మరింత వసూళ్లను రాబట్టే అవకాశాలు కనిపిస్తున్నాయి.
