ఈ ఆగస్టు నెలలో రిలీజ్ కి రెడీ అయిన చిత్రాల్లో ఆయ్ ఒకటి. ఈ చిత్రం నుండి రిలీజైన ట్రైలర్ సినిమాపై ఆమాంతం అంచనాలను పెంచేసింది. ట్రైలర్ ఆద్యంతం కామెడీ సన్నివేశాలతో ఉండటంతో సినిమా ప్రేక్షకులని బాగా అట్రాక్ట్ చేస్తోంది. ఆగస్టు 15 నుండి థియేటర్ల లో అందుబాటులో ఉండనున్న ఈ చిత్రం యొక్క ప్రీ రిలీజ్ ఈవెంట్ కి సంబంధించిన వివరాలను మేకర్స్ వెల్లడించారు.

ఈ చిత్రం యొక్క ప్రీ రిలీజ్ ఈవెంట్ ను రేపు హైదరాబాద్ లోని హోటల్ దస్పల్ల లో నిర్వహించనున్నారు. నార్నే నితిన్ మరియు నయన్ సారిక లు ప్రధాన పాత్రల్లో నటించిన ఈ చిత్రానికి అంజి కె మనిపుత్ర దర్శకత్వం వహించారు. అల్లు అరవింద్ సమర్పణలో GA2 పిక్చర్స్ పతాకంపై బన్నీ వాస్ మరియు విద్య కొప్పినీడి సంయుక్తంగా నిర్మించిన ఈ చిత్రానికి రామ్ మిరియాల సంగీతం అందించారు. ఈ చిత్రం థియేటర్లలో ఎలాంటి రెస్పాన్స్ ను సొంతం చేసుకుంటుందో చూడాలి.