టాలీవుడ్‌లో తెరకెక్కిన రీసెంట్ కామెడీ ఎంటర్‌టైనర్ మూవీ ‘ఆయ్’ ఆగస్టు 15న గ్రాండ్ రిలీజ్ అయ్యి బాక్సాఫీస్ దగ్గర మంచి విజయాన్ని అందుకుంది. ఈ సినిమాను దర్శకుడు అంజి కె మణిపుత్ర డైరెక్ట్ చేయగా, ప్రముఖ నిర్మాత బన్నీ వాస్, విద్యా కొప్పినీడు ఈ సినిమాను ప్రొడ్యూస్ చేశారు. ఇక ఈ సినిమాలో నార్నె నితిన్, నయన్ సారిక హీరోహీరోయిన్లుగా నటించారు.
మంచి యూత్‌ఫుల్ కంటెంట్‌తో ఈ సినిమా ప్రేక్షకులను అలరించడంలో సక్సెస్ అయ్యింది. దీంతో ఈ సినిమాను చూసేందుకు ప్రేక్షకులు థియేటర్లకు క్యూ కట్టారు. ఇక బాక్సాఫీస్ దగ్గర ఈ సినిమా మంచి వసూళ్లను రాబడుతూ దూసుకెళ్తోంది. ఈ సినిమా రిలీజ్ అయ్యి 9 రోజులు పూర్తవగా, బాక్సాఫీస్ దగ్గర ఏకంగా రూ.11 కోట్ల గ్రాస్ వసూళ్లు రాబట్టినట్లు మేకర్స్ తెలిపారు.
ఈ సినిమా టోటల్ రన్‌లో మంచి వసూళ్లను రాబట్టి, హిట్ చిత్రంగా నిలుస్తుందని మేకర్స్ ధీమా వ్యక్తం చేస్తున్నారు. ఈ సినిమాను గీతా ఆర్ట్స్ బ్యానర్‌పై అల్లు అరవింద్ సమర్పణలో రిలీజ్ చేశారు.