టాలీవుడ్‌లో తెరకెక్కిన ఔట్ అండ్ ఔట్ కామెడీ ఎంటర్‌టైనర్ ‘ఆయ్’ బాక్సాఫీస్ దగ్గర సాలిడ్ విజయాన్ని అందుకుంది. ఈ సినిమాను దర్శకుడు అంజి కె మణిపుత్ర డైరెక్ట్ చేయగా ఆగస్టు 15న ఈ సినిమా మంచి బజ్‌తో రిలీజ్ అయ్యింది. ఇక ఈ సినిమాకు ప్రేక్షకులు మంచి ఆదరణ అందించడంతో ఈ సినిమా బాక్సాఫీస్ దగ్గర విజయాన్ని అందుకుంది.
ఈ సినిమాలో యంగ్ హీరో నితిన్ నార్నె, నయన్ సారిక హీరోహీరోయిన్లుగా నటించారు. గోదావరి బ్యాక్‌డ్రాప్‌తో తెరకెక్కిన ఈ సినిమాలో కామెడీ ఎలిమెంట్స్ ప్రేక్షకులను కడుపుబ్బా నవ్వించాయి. ఇక ఈ సినిమా ఓటీటీలో ఇప్పటికే స్ట్రీమింగ్ అవుతుండగా.. అందులోనూ ఈ సినిమాకు సాలిడ్ రెస్పాన్స్ దక్కింది. ఈ చిత్రాన్ని ప్రేక్షకులు ఓన్ చేసుకోవడంతో ఇది ట్రెమెండస్ హిట్‌గా నిలిచింది. ఇప్పుడు ఈ సినిమా బుల్లితెర ప్రేక్షకులను కూడా అలరించేందుకు సిద్ధమయ్యింది.
‘ఆయ్’ చిత్రాన్ని వరల్డ్ టెలివిజన్ ప్రీమియర్‌గా నవంబర్ 17న మధ్యాహ్నం 3 గంటలకు జీ తెలుగు ఛానల్ టెలికాస్ట్ చేయనుంది. దీంతో బుల్లితెరపై ఈ యూత్‌ఫుల్ కామెడీ రొమాంటిక్ మూవీ ఎలాంటి రెస్పాన్స్ అందుకుంటుందా అని అందరూ ఆసక్తిగా చూస్తున్నారు.