ప్రముఖ గ్లామర్ బ్యూటీ రాయ్‌లక్ష్మీ షూటింగ్ లో ప్రమాదానికి గురైంది. ఫైట్స్‌ చిత్రీకరణలో పాల్గొన్న ఆమెకు స్వల్ప గాయాలయ్యాయి. అయితే, ఆమె తృటిలో పెనుప్రమాదం నుంచి తప్పించుకుంది. ప్రస్తుతం రాయ్‌లక్ష్మీ హాస్పటిల్ లో ట్రీట్‌ మెంట్‌ తీసుకుని డిశ్చార్జ్‌ కూడా అయినట్లు తెలుస్తోంది. ఇంతకీ, ఆమె గాయపడింది ఒక తెలుగు సినిమా షూటింగ్ లోనే. రాయ్‌లక్ష్మీ ప్రధాన పాత్రలో తెలుగులో ఓ వైవిధ్యమైన చిత్రం రూపొందుతోంది.
కాగా రోచిశ్రీ మూవీస్‌ నిర్మాణంలో రమణ మొగిలి దర్శకత్వంలో రూపొందుతోన్న ఈ చిత్ర షూటింగ్ ఇటీవల హైదరాబాద్‌లో ప్రారంభమైన సంగతి తెలిసిందే. ఈ షూటింగ్ లో రాయ్‌లక్ష్మీ.. విలన్‌లు ప్రదీప్‌రావత్‌, సీనియర్‌ నటుడు సురేష్‌, ఇతర 18 మంది ఫైటర్స్‌తో అండర్ వాటర్‌లో భారీగా చిత్రీకరిస్తున్న యాక్షన్‌ సీక్వెన్స్‌లో లక్ష్మీరాయ్‌ కాలుకి గాయమైంది. త్వరలోనే ఆమె తిరిగి చిత్రీకరణలో పాల్గొనుందని చిత్రబృందం తెలిపింది.
