రజని కాంత్ బ్లాక్ బస్టర్ మూవీ ‘రోబో’ ను అందించిన సూపర్ సక్సస్ ఫుల్ డైరెక్టర్ శంకర్, చైనా లో రామ్ చరణ్ షూటింగ్ జరుగుతున్న ప్రదేశాన్ని కనుగొన్నారు. ఇదేమిటి అనుకుంటున్నారా..! లేదులెండి.. ప్రస్తుతం రామ్ చరణ్ తేజ్ నటిస్తోన్న చిత్రానికీ, శంకర్ కు సంభంధం లేదు.
అతని తదుపరి చిత్రం 3 ఇడియట్స్ షూటింగ్ కోసం శంకర్ చైనా లోని అద్భుతమైన బేమ్బూ ఫారెస్ట్ ను సందర్శించారు. ఈ ఫారెస్ట్ స్పెషాలిటి ఏమిటంటే శీతాకాలంలో ఈ అడవి మొత్తం పూర్తిగా మంచుతో కప్పబడి చూసేవారిని అబ్బుర పరుస్తుంది. అయితే స్నో ఫాల్స్ వరకూ వేచి ఉండటం శంకర్ కు సాధ్యం కాకపోవచ్చు. కాగా, ‘రచ్చ’ చిత్ర యూనిట్ ఈ అడవీ ప్రాంతంలో కొన్ని ఫైట్స్ సన్నివేశాలను చిత్రీకరించనుంది.
ఈ పోరాట సన్నివేశాల్లో కొందరు చైనా మార్షల్ ఆర్టిస్ట్స్ పాల్గొంటారు. రచ్చ చిత్రాన్ని అన్ని హంగులతో పూర్తిచేసేందుకు మూవీ యూనిట్ అవిశ్రాంతంగా కృషిచేస్తోంది. సంపత్ నంది ఈ చిత్రాన్ని డైరెక్ట్ చేస్తున్నారు. తమన్నా హీరోయిన్. మ్యూజిక్.. మణి శర్మ.
