కోలీవుడ్ స్టార్ యాక్టర్ కార్తీ వరుస సినిమాలు చేస్తూ బిజీగా ఉన్నాడు. తదుపరి మెయియజగన్ చిత్రంలో కనిపించనున్నాడు. ఈ చిత్రంలో అరవింద్ స్వామి, రాజ్ కిరణ్, శ్రీ దివ్య లు కీలక పాత్రల్లో నటిస్తున్నారు. రిలీజ్ కి దగ్గర పడుతున్న నేపథ్యంలో మేకర్స్ ప్రమోషన్స్ ను వేగవంతం చేశారు. ఈ చిత్రానికి సంబంధించిన థియేట్రికల్ బిజినెస్ కూడా బాగానే జరిగింది.
తెలుగులో ఈ చిత్రాన్ని ఏషియన్ సురేష్ ఎంటర్టైన్మెంట్ ఎల్ ఎల్ పి వారు రిలీజ్ చేస్తున్నారు. ఇదే విషయాన్ని సరికొత్త పోస్టర్ ద్వారా వెల్లడించారు. 2డి ఎంటర్టైన్మెంట్ బ్యానర్ పై జ్యోతిక మరియు సూర్యలు సంయుక్తంగా నిర్మిస్తున్న ఈ చిత్రానికి గోవింద్ వసంత సంగీతం అందిస్తున్నాడు. సెప్టెంబర్ 27 వ తేదీన రిలీజ్ కాబోతున్న ఈ చిత్రం పై ప్రేక్షకుల్లో, అభిమానుల్లో భారీ అంచనాలు నెలకొన్నాయి.