పీపుల్స్ స్టార్ సందీప్ కిషన్ లేటెస్ట్ మూవీ ‘మజాకా’ను దర్శకుడు త్రినాధరావు నక్కిన డైరెక్ట్ చేస్తున్నారు. ఈ చిత్రాన్ని ఎకె ఎంటర్టైన్మెంట్స్, హాస్య మూవీస్ బ్యానర్స్ పై రాజేష్ దండా నిర్మిస్తున్నారు. బాలాజీ గుత్తా సహ నిర్మాతగా వ్యవహరిస్తున్నారు. ఈ మాస్ ఎంటర్టైనర్లో రీతు వర్మ హీరోయిన్. మన్మధుడు ఫేమ్ అన్షు, రావు రమేష్ కీలక పాత్రలు పోషిస్తున్నారు. ఈ మూవీ శివరాత్రి కానుకగా ఫిబ్రవరి 26న థియేటర్లలో గ్రాండ్ రిలీజ్ కానుంది. ఈ సందర్భంగా హీరోయిన్ అన్షు విలేకరుల సమావేశంలో సినిమా విశేషాలు పంచుకున్నారు.
మీ పూర్తి పేరు అన్షు అంబానీ నా?
అంబానీ అనేది చాలా పాపులర్ సర్‌నేమ్. అయితే నా ఇంటి పేరు అది కాదు. అసలు అంబానీ అనే పేరు నాకు ఎలా వచ్చిందో కూడా తెలీదు. నా వికీపీడియాలో కూడా అదే పేరు ఉంది. అక్కడ ఎలా మార్చాలో కూడా తెలీదు. నేను సచిన్ సాగర్‌ని పెళ్లి చేసుకున్నాను. ఇప్పుడు అన్షు సాగర్. అయితే సింపుల్ అండ్ స్వీట్‌గా అన్షు అని పిలిస్తే హ్యాపీగా ఫీలౌతాను.
రెండు మూడు సినిమాల తర్వాత మళ్ళీ తెరపై కనిపించకపోవడానికి కారణం?
నేను 15 ఏళ్లకే ఇండస్ట్రీలో వచ్చేశాను. అప్పటికి అంత ఎమోషనల్ మెచ్యురిటీ లేదు. ఒకవేళ ‘మన్మధుడు’ నా 25 ఏళ్ల వయసులో చేసి ఉంటే సినిమాల్లోనే కొనసాగడానికి ఆలోచించేదాన్ని. అప్పటికి నా చదువు కూడా పూర్తి కాలేదు. లండన్ వెళ్ళిపోయాను. కాలేజ్ పూర్తి చేసి మాస్టర్స్ చేశాను. సైకాలజిస్ట్ అయ్యాను. సొంతంగా క్లినిక్ పెట్టాను. 24 ఏళ్లకి పెళ్లి చేసుకున్నాను. నాకు ఇద్దరు పిల్లలు. ఇది బ్యూటీఫుల్ జర్నీ.
మీ రీఎంట్రీ కోసం ఈ కథని సెలెక్ట్ చేసుకోవడానికి కారణం?
‘మజాకా’ లవ్లీ స్టోరీ. నాకు చాలా నచ్చింది. ప్రసన్న గారు ఈ కథ చెప్పినప్పుడు చాలా ఎంజాయ్ చేశాను. నా క్యారెక్టర్‌కు చాలా ఇంపార్టెన్స్ ఉంది. చాలా హెవీ రోల్. 23 ఏళ్ల తర్వాత నేను మళ్ళీ తెరపై కనిపిస్తున్న ఈ సినిమా అందరినీ అలరిస్తుందని, నా పెర్ఫార్మెన్స్‌ని అందరూ ఇష్టపడతారనే నమ్మకం ఉంది.
20 ఏళ్ల తర్వాత మళ్ళీ సెట్స్‌లోకి రావడం ఎలా అనిపించింది?
చాలా నెర్వస్ ఫీలయ్యాను. న్యూ కమ్మర్ లానే అనిపించింది. అయితే టీంలో అందరూ ఎంతో సపోర్ట్ చేశారు. రెండు రోజుల తర్వాత అంతా కుదురుకుంది.
మజాకా లో మీ క్యారెక్టర్ ఎలా ఉంటుంది?
నా క్యారెక్టర్ పేరు యశోద. తను హెడ్ స్ట్రాంగ్ స్టబన్ విమెన్. తనకు ఎమోషనల్ పెయిన్ ఉంటుంది. అది ఆ పాత్రలో కనిపిస్తుంది. యశోద పాత్రలో లీనం కావడానికి నా వంతు ప్రయత్నం చేశాను.
డైరెక్టర్ త్రినాథ్ రావు నక్కిన గారితో వర్క్ చేయడం ఎలా ఎలా అనిపించింది?
త్రినాథ్ గారు లవ్లీ డైరెక్టర్. తనకు ఓర్పు చాలా ఎక్కువ. తనతో వర్క్ చేసినప్పుడు సినిమాకి లాంగ్వేజ్ బారియర్ కాదనిపించింది. తను స్వీట్ పర్సన్. ఆయనతో వర్క్ చేయడం చాలా ఆనందంగా ఉంది.
రావు రమేష్ గారితో వర్క్ చేయడం గురించి?
రావు రమేష్ గారు జెంటిల్మెన్. చాలా సపోర్టివ్. చాలా ఓపికగా ఉంటారు. ఆయన డబ్బింగ్ పూర్తి చేసి ‘అన్షు అద్భుతంగా చేశావ్’ అని చెప్పడం చాలా ఎనర్జీ ఇచ్చింది.
సందీప్ కిషన్, రీతు వర్మతో కాంబినేషన్ సీన్స్ ఉన్నాయా?
ఉన్నాయి. సందీప్ వెరీ ఫన్నీ అండ్ కూల్. వెరీ నైస్ పర్సన్. రీతు వెరీ స్వీట్ అండ్ గ్రేస్ ఫుల్. మా మధ్య మంచి స్నేహం ఏర్పడింది. మేము కొన్ని బుక్స్ షేర్ చేసుకున్నాం.
హాస్య మూవీస్ ప్రొడక్షన్ గురించి?
హాస్య మూవీస్ అమేజింగ్ ప్రొడక్షన్ హౌస్. రాజేష్ గారు నైస్ పర్సన్. చాలా సపోర్ట్ చేశారు.
ఎలాంటి పాత్రలు చేయాలని ఉంది?
ఎలాంటి క్యారెక్టర్ చేసినా కథ పరంగా మంచి స్ట్రెంత్ ఉన్న క్యారెక్టర్ చేయడానికి ఇష్టపడతాను. మళ్ళీ నటించడానికే వచ్చాను. పెర్ఫార్మెన్స్ కి స్కోప్ ఉన్న క్యారెక్టర్స్ చేయాలని ఉంది.
