మెగా యంగ్ హీరో పంజా వైష్ణవ్ తేజ్ హీరోగా యంగ్ హీరోయిన్ శ్రీ లీల హీరోయిన్ గా దర్శకుడు ఎన్ శ్రీకాంత్ రెడ్డి తెరకెక్కించిన మాస్ ఎంటర్టైనర్ చిత్రం “ఆదికేశవ”. మరి వైష్ణవ్ కెరీర్ లోనే ఓ మాసివ్ యాక్షన్ డ్రామాగా ఇది తెరకెక్కగా ఫైనల్ గా అయితే ఈ సినిమా ఈరోజు థియేటర్స్ లోకి వచ్చింది. ఇక ఈ సినిమా థియేటర్స్ అనంతరం నాన్ థియేట్రికల్ హక్కులకు సంబంధించి డీటెయిల్స్ కన్ఫర్మ్ అయ్యాయి.
ఈ సినిమా ఓటీటీ హక్కుల్ని దిగ్గజ స్ట్రీమింగ్ సంస్థ నెట్ ఫ్లిక్స్ వారు సొంతం చేసుకోగా టెలివిజన్ లో స్టార్ మా వారు ఈ సినిమా శాటిలైట్ హక్కులు సొంతం చేసుకున్నారు. దీనితో ఈ చిత్రం పోస్ట్ థియేట్రికల్ రిలీజ్ వీటిలో ఈ సినిమాని వీక్షించవచ్చు. ఇక ఈ సినిమాకి జివి ప్రకాష్ సంగీతం అందించగా సితార ఎంటర్టైన్మెంట్స్ మరియు ఫార్చూన్ 4 సినిమాస్ వారు నిర్మాణం వహించారు.