ఇప్పుడు స్టైలిష్ స్టార్ అల్లు అర్జున్ తన అభిమానులకు సూపర్ కిక్ ఇచ్చాడని చెప్పాలి. తాను ఇప్పటి వరకు చేసిన సినిమాల్లో కేవలం ఒక్క తన లుక్ పరంగా మాత్రమే కాకుండా డైలాగ్స్ మాడ్యులేషన్ లో కూడా కొత్తదనంను బన్నీ చూపించాడు. వాటిని గత చిత్రాలు గమనిస్తే బాగా అర్ధం అవుతుంది.
అయితే ఇప్పటి వరకు మాత్రం అలా డైలాగ్ మాడ్యులేషన్ ను చేంజ్ చేసిన సినిమాల్లో పీరియాడిక్ ఫిల్మ్ “రుద్రమదేవి” అనే చెప్పాలి. అందులో గోనగన్నారెడ్డిగా ఫుల్ ఫ్లెడ్జ్ లో నాటి తెలంగాణ యాశలో గుక్క తిప్పుకోకుండా సూపర్బ్ అనిపించాడు. మరి ఇప్పుడు పక్కా రాయలసీమ యాసతో పుష్ప లో అదరగొట్టనున్నాడని తెలిసిందే.
మరి ఈ సినిమాలో ఓ డైలాగ్ తో బన్నీ ఆశ్చర్యపరిచాడు.నిన్న జరిగినటువంటి “చావు కబురు చల్లగా” ప్రీ రిలీజ్ వేడుకలో “తగ్గేది లే” అంటూ పలికించిన మాట మంచి ఆసక్తిని రేపింది. అప్పుడు గోన గన్నారెడ్డిలా “గమ్మునుండవో” అన్న డైలాగ్ ఎంత ట్రెండ్ అయ్యిందో ఇది కూడా అంత అవుతుందేమో అనిపిస్తుంది.
దీనితో “పుష్ప”లో కూడా బన్నీ మరో బెంచ్ మార్క్ సెట్ చెయ్యడం కన్ఫర్మ్ అని చెప్పాలి. మరి బన్నీ మ్యాజిక్ ఎలా ఉంటుందో తెలియాలి అంటే వచ్చే ఆగష్టు 13 వరకు ఆగాల్సిందే మరి.