ఎన్నో చిత్రాలను, వెబ్ సిరీస్ లను తెలుగు ప్రేక్షకులను అందిస్తున్న ఆహా వీడియో, ప్రొడక్షన్ ను షురూ చేసినట్లు తెలుస్తోంది. నిన్న శ్రీ లీల పుట్టిన రోజు సందర్భంగా ఆహా వీడియో వారు అల్లు అర్జున్ మరియు శ్రీ లీల ఉన్నటువంటి పోస్టర్ ను విడుదల చేయడం జరిగింది. ఈ పోస్టర్ కి రెస్పాన్స్ అద్దిరిపోయింది. అయితే నేడు రాత్రి 7 గంటలకు ఇందుకు సంబంధించిన గ్లింప్స్ వీడియో ను రిలీజ్ చేయనున్నారు. అదే విషయాన్ని వెల్లడించడానికి మరొక అద్దిరిపోయే పోస్టర్ ను రిలీజ్ చేయడం జరిగింది.
టాలీవుడ్ లో ప్రస్తుతం శ్రీ లీల వరుస చిత్రాలతో దూసుకు పోతుంది. ఐకాన్ స్టార్ అల్లు అర్జున్ పుష్ప ది రూల్ చిత్రం తో మరోసారి ప్రేక్షకులని అలరించడానికి సిద్ధం అవుతున్నారు. ఈ క్రేజీ ప్రాజెక్ట్ ల కోసం ప్రేక్షకులు, అభిమానులు ఎంతగానో ఎదురు చూస్తున్నారు.
