ఐకాన్ స్టార్ అల్లు అర్జున్ ప్రస్తుతం సుకుమార్ దర్శకత్వంలో పుష్ప 2 మూవీ చేస్తోన్న విషయం తెలిసిందే. రష్మిక మందన్న హీరోయిన్ గా నటిస్తున్న ఈ మూవీని మైత్రి మూవీ మేకర్స్ వారు నిర్మిస్తున్నారు. ఇటీవల రిలీజ్ అయిన పుష్ప 2 గ్లింప్స్ అందరినీ ఆకట్టుకుని మూవీ పై మంచి అంచనాలు ఏర్పరిచింది. ఈ మూవీ వచ్చే ఏడాది రిలీజ్ అయ్యే అవకాశం కనపడుతోంది. విషయం ఏమిటంటే, కొన్ని నెలల క్రితం, ఆహా సోషల్ మీడియాలో ఒక పోస్ట్‌ను షేర్ చేసింది.
అదేమిటంటే వారి యొక్క కొత్త ప్రాజెక్ట్‌లో నటుడు అల్లు అర్జున్ బ్లాక్‌బస్టర్ లుక్‌లో కనిపిస్తారని వారు తెలిపారు. ఇక తాజాగా ఐకాన్ స్టార్‌తో దానికి సంబంధించి ఒక కొత్త పోస్టర్‌ను విడుదల చేసింది ఆహా టీమ్. ఈ స్పెషల్ ప్రాజెక్ట్ టైటిల్ ను గెస్ చేయమని అభిమానులను ఆహా వారు సరదాగా కోరారు. మరి పాన్ ఇండియా స్టార్ అల్లు అర్జున్ తో ఆహా సరిగ్గా ఏమి ప్లాన్ చేసింది, ఇది టాక్ షో లేక ఏదైనా డ్యాన్స్ షోకి సంబంధించినదా అనే వివరాలు తెలియాల్సి ఉంది. కాగా అల్లు అర్జున్‌కు ఉన్న ఫాలోయింగ్‌తో ప్రసారం అనంతరం ఈ షో ఓటిటి లో మంచి రికార్డులను అందుకోవడం ఖాయం.