ప్రపంచ అందాల సుందరి ఐశ్వర్య రాయ్ బచ్చన్ పుట్టినరోజు ఇవాళ. ఆమె అందం అపురూపం అందులో సందేహమే లేదు. ప్రపంచ వ్యాప్తంగా మన్ననలు పొందిన బాలీవుడ్ బ్యూటీ ఈమె. ఫిల్మ్ మేకర్స్ మొదలు టీనేజ్ బాయ్స్ వరకూ ఆమెను ఆరాధించే వారే. బహుశా ‘రోబో’ చిత్రంలో రజని కాంత్ పోషించిన చిట్టి రోబో చెప్పినట్టు ” దేవుడు సృష్టించిన వాటిలో నువ్వు, నేనే విలువైనవి” అనటం అతి సయోక్తి కాదు. 38 ఏళ్ల ఈ కుందేలు కళ్ళ సుందరి సినీ రంగం తో పాటు పలు అంశాల్లో ఇప్పటికీ తన హవా కొనసాగిస్తోంది.
కొన్ని సంవత్సరాలుగా, ఈ సుందరి అందం, చందం మరింత వన్నెలీనినట్టు కనిపిస్తోంది. 1994 లో మిస్ వరల్డ్ టైటిల్ పొందినది మొదలు ఐశ్వర్య రాయ్, సుస్మిత సేన్ భారతీయ మహిళలను ఎంతగానో ప్రభావితం చేసారు. సాంప్రదాయ సుడిగుండంలో చిక్కుకోకుండా ఐష్ తన ప్రతిభకు మెరుగులు పెడుతూనే ఉన్నారు. వివాహానంతరం కూడా ఆమె తన కెరీర్ గ్రాఫ్ నూ పెంచుకుంటూనే వచ్చారు.
ఐశ్వర్య – అభిషేక్ ల తొలి సంతానం నవంబర్లో వెలుగు చూడనుంది. ఇందుకోసం వేయి కళ్ళతో, కోటి ఆశలతో బచ్చన్ ఫ్యామిలీ ఎదురుచూస్తోంది.
ఐశ్వర్య రాయ్ కు 123 తెలుగు.కామ్ జన్మదిన శుభాకాంక్షలు తెలియచేస్తుంది. ఎ వెరీ హ్యాపీ బర్త్ డే ఐష్…
