పాన్ ఇండియా స్టార్ ప్రభాస్ నటిస్తున్న లేటెస్ట్ మూవీ ‘ది రాజా సాబ్’పై ప్రేక్షకుల్లో ఎలాంటి అంచనాలు క్రియేట్ అయ్యాయో అందరికీ తెలిసిందే. ఈ సినిమా నుంచి కేవలం ఫస్ట్ లుక్ పోస్టర్స్ మాత్రమే రిలీజ్ అయ్యాయి. అయినా కూడా ఈ మూవీపై సాలిడ్ బజ్ ఏర్పడటంతో ఈ సినిమాను ఎప్పుడెప్పుడు రిలీజ్ చేస్తారా అని అందరూ ఆసక్తిగా చూస్తున్నారు. ఇక ఈ సినిమాను దర్శకుడు మారుతి పూర్తి హర్రర్ కామెడీ చిత్రంగా తెరకెక్కిస్తుండగా ఏప్రిల్ 10న ఈ చిత్రాన్ని గ్రాండ్ రిలీజ్ చేసేందుకు మేకర్స్ రెడీ అవుతున్నారు.

రాజా సాబ్ చిత్రాన్ని పాన్ ఇండియా మూవీగా రిలీజ్ చేయనున్నారు. అయితే, ఈ సినిమాకు ఇప్పుడు మరో బడా చిత్రం పోటీగా రాబోతుంది. తమిళ స్టార్ హీరో అజిత్ నటిస్తున్న లేటెస్ట్ మూవీ ‘గుడ్ బ్యాడ్ అగ్లీ’ తొలుత పొంగల్ కానుకగా రిలీజ్ చేస్తామని మేకర్స్ ప్రకటించారు. అయితే, కొన్ని కారణాల వల్ల ఈ సినిమా రిలీజ్ ఆలస్యం అయ్యింది. ఇక ఇప్పుడు ఈ సినిమాను ఏప్రిల్ 10న వరల్డ్‌వైడ్‌గా రిలీజ్ చేయబోతున్నట్లు మేకర్స్ వెల్లడించారు.

దీంతో బాక్సాఫీస్ దగ్గర రెండు బిగ్ మూవీస్ ఢీకొనడం ఖాయమని అభిమానులు అంటున్నారు. అయితే, రాజా సాబ్ మూవీ ఏప్రిల్ 10న రాకపోవచ్చనే టాక్ సినీ సర్కిల్స్‌లో జోరుగా చక్కర్లు కొడుతోంది. మరి ఏప్రిల్ 10న బాక్సాఫీస్ దగ్గర ఎలాంటి పోటీ నెలకొంటుంది అనేది తెలియాలంటే మరికొద్ది రోజులు వెయిట్ చేయాల్సిందే.