బాలీవుడ్ యాక్ష‌న్ హీరో అక్ష‌య్ కుమార్ న‌టించిన ”స‌ర్ఫిరా” మూవీ నేడు ప్ర‌పంచ‌వ్యాప్తంగా రిలీజ్ అయ్యింది. త‌మిళ స్టార్ హీరో సూర్య న‌టించిన ‘సూరారై పొట్రు’ సినిమాకు ఇది హిందీ రీమేక్ గా వస్తోంది. ఈ సినిమాను సుధా కొంగ‌ర డైరెక్ట్ చేస్తుండ‌టంతో అభిమానుల్లో ఈ సినిమాపై మంచి బ‌జ్ క్రియేట్ అయ్యింది. ఇక ఈ సినిమా రిలీజ్ అవుతున్న త‌రుణంలో అక్ష‌య్ అభిమానుల‌కు ఓ షాకింగ్ వార్త వినాల్సి వ‌చ్చింది.
ఇటీవ‌ల ‘స‌ర్ఫిరా’ చిత్ర ప్ర‌మోష‌న్స్ లో బిజీగా ఉన్న అక్ష‌య్, అనారోగ్యానికి గుర‌య్యారు. దీంతో ఆయ‌న కోవిడ్-19 టెస్టు చేయించుకోగా పాజిటివ్ అని తేలింది. కోవిడ్ పాజిటివ్ కార‌ణంగా అక్ష‌య్ ఇంటికే ప‌రిమితమ‌య్యారు. కాగా, నేడు జ‌రుగుతున్న అనంత్ అంబానీ, రాధిక మ‌ర్చంట్ ల వివాహ వేడుక‌కు కూడా అక్ష‌య్ దూరం కానున్నారు.
ఈ విష‌యం తెలుసుకున్న అభిమానులు అక్ష‌య్ త్వ‌ర‌గా కోలుకోవాల‌ని కోరుతూ త‌మ విషెస్ తెలుపుతున్నారు. ఇక స‌ర్ఫిరా చిత్రంలో రాధిక మ‌ద‌న్ హీరోయిన్ గా న‌టిస్తోండ‌గా ప‌రేష్ రావ‌ల్, సీమా బిస్వాస్, ప్ర‌కాశ్ బేలావాడి త‌దిత‌రులు ఇత‌ర ముఖ్య పాత్ర‌ల్లో న‌టిస్తున్నారు. ఈ సినిమాను సూర్య, జ్యోతిక, అరుణ భాటియా, విక్ర‌మ్ మ‌ల్హోత్రాలు సంయుక్తంగా ప్రొడ్యూస్ చేస్తున్నారు.