రాజమౌళి తెరకెక్కిస్తున్న భారీ బడ్జెట్ చిత్రం ‘ఆర్ఆర్ఆర్’ ముగింపు దశకు చేరుకుంది. కీలక పాత్రదారులంతా షూటింగ్లోకి వచ్చేశారు. కీలకమైన క్లైమాక్స్ సన్నివేశాల షూటింగ్ జరుగుతోంది. ఇందులో రామ్ చరణ్ అల్లూరి సీతారామరాజు పాత్రలో రామ్ చరణ్ చేస్తుండగా ఆయనకు జోడీగా బాలీవుడ్ స్టార్ హీరోయిన్ ఆలియా భట్ నటిస్తోంది. ఈమెను రాజమౌళి ఏరికోరి తీసుకొచ్చుకున్నారు. అందం, అభినయం రెండూ ఉండటంతో ఆమెను ఎంచుకున్నారు. జక్కన్న నుండి ఆఫర్ అనగానే ఆలియా సైతం వెంటనే ఒప్పేసుకుంది.
అయితే ఆమె పాత్ర తాలూకు చిత్రీకరణకు చాలానే ఇబ్బందులు ఎదురయ్యాయి. కరోనా లాక్ డౌన్, ఆలియాకే వైరస్ సోకడం, బాలీవుడ్లో సంజయ్ లీలా భన్సాలీ సినిమాలో నటించాల్సి ఉండటంతో ఆమె ‘ఆర్ఆర్ఆర్’కు ఎక్కువ డేట్లు కేటాయించలేకపోయింది. అయినా ఏదో అడ్జెస్ట్ చేసుకుని రాజమౌళి షూటింగ్ చేశారు. ఇంకొక పాట మాత్రమే మిగిలి ఉందట. వచ్చే నెలలో ఆ పాటను షూట్ చేయనున్నారు. చరణ్, ఆలియా, ఎన్టీఆర్ ముగ్గురి మధ్యన సన్నివేశాలు అద్భుతంగా వచ్చాయట. అటు చరణ్, ఇటు ఎన్టీఆర్ ఉన్నా ఆలియా తన ఉనికిని చాటుకునేలా నటనను ప్రదర్శించిందట. దాంతో ఇంప్రెస్ అయిన రాజమౌళి ఆమె పాత్ర నిడివిని మరింత పెంచే ఆలోచనలో ఉన్నారట.