రెబల్ స్టార్ ప్రభాస్ ప్రధాన పాత్రలో, దర్శక దిగ్గజం ఎస్ ఎస్ రాజమౌళి దర్శకత్వంలో తెరకెక్కిన బహుబలి చిత్రం వరల్డ్ వైడ్ గా సూపర్ క్రేజ్ ను సొంతం చేసుకుంది. బాహుబలి పాత్రకి ప్రభాస్ పూర్తి న్యాయం చేశాడు. ఈ చిత్రం భారతీయ సినీ చరిత్రలో చెరగని ముద్ర వేసింది. బాహుబలి సిరీస్ చిత్రాల తరువాత, అదే రేంజ్ లో క్రేజ్ ను సొంతం చేసుకున్న సిరీస్ ఏదైనా ఉంది అంటే, అది బాహుబలి క్రౌన్ ఆఫ్ బ్లడ్. ఈ యానిమేటెడ్ సిరీస్ కి సంబందించిన ట్రైలర్ రిలీజ్ కాగా, ఆడియెన్స్ నుండి సూపర్ రెస్పాన్స్ ను సొంతం చేసుకుంది.
ఈ సిరీస్ యానిమేషన్ గా ఉండటం తో, చిన్న పిల్లల్లో కూడా మరింత ఆసక్తి నెలకొంది. ఈ యానిమేటెడ్ సిరీస్ లో వచ్చే యాక్షన్ మరియు థ్రిల్లింగ్ ఎపిసోడ్స్ కోసం ప్రపంచ వ్యాప్తంగా ఉన్న బాహుబలి అభిమానులు ఎంతో ఆసక్తిగా ఎదురుచూస్తున్నారు. మే 17, 2024 నుండి ప్రముఖ ఓటిటి ప్లాట్ ఫామ్ అయిన డిస్నీ ప్లస్ హాట్ స్టార్ లో ఈ సిరీస్ ప్రసారం కానుంది. ప్రభాస్ మరియు జక్కన్న రాజమౌళి క్రియేట్ చేసిన బాహుబలి ఇంపాక్ట్ తో ఈ సిరీస్ ఎలాంటి రెస్పాన్స్ ను సొంతం చేసుకుంటుందో చూడాలి.
ఈ సిరీస్ లో బాహుబలి, భళ్లాల దేవ వీరోచిత ప్రదర్శనలు ఉన్నాయి. రక్తదేవ్ అనే పాత్ర ఎంటర్ టైనింగ్ గా సాగనుంది. ది లెజండ్ ఆఫ్ హనుమాన్ ను తెరకెక్కించిన కంగ్ మరియు నవీన్ జాన్ లు ఈ సిరీస్ కి దర్శకత్వం వహించగా, రాజమౌళి, శోభు యార్లగడ్డ, దేవరాజన్ లు నిర్మించారు. ఈ సిరీస్ తెలుగు లో కూడా అందుబాటులోకి రానుండటం తో బాహుబలి ఫ్యాన్స్ సంతోషం వ్యక్తం చేస్తున్నారు.
వీడియో కోసం ఇక్కడ క్లిక్ చెయ్యండి