టాలెంటెడ్ నటుడు అల్లరి నరేష్ హీరోగా చాలా కాలం తర్వాత ఒక ఎంటర్టైనింగ్ సినిమా చేసాడు. మరి ఆ సినిమానే “ఆ ఒక్కటీ అడక్కు”. దర్శకుడు మల్లి అంకం తెరకెక్కించిన ఈ కామెడీ అండ్ సోషల్ డ్రామా థియేటర్స్ లోకి వచ్చి డీసెంట్ టాక్ అందుకుంది. అయితే ఈ చిత్రం ఇప్పుడు ఓటిటి వీక్షకులని అలరించేందుకు వచ్చేసింది. ఈ సినిమాని ప్రైమ్ వీడియో వారు సొంతం చేసుకున్న సంగతి తెలిసిందే.
మరి ఇప్పుడు ఈ చిత్రం ఓటిటిలో ఎలాంటి అనౌన్సమెంట్ లేకుండా సైలెంట్ గా స్ట్రీమింగ్ కి వచ్చేసింది. ఈరోజు నుంచే ప్రైమ్ వీడియోలో ఈ చిత్రం అందుబాటిలోకి వచ్చేసింది. మరి అప్పుడు థియేటర్స్ లో మిస్ అయ్యి ఓటిటి లో చూడాలి అనుకునేవారు ఓటిటిలో ఈ చిత్రాన్ని చూడవచ్చు. ఇక ఈ చిత్రంలో జాతి రత్నాలు ఫేమ్ ఫరియా అబ్దుల్లా హీరోయిన్ గా నటించగా గోపి సుందర్ సంగీతం అందించాడు అలాగే చిలక ప్రొడక్షన్స్ వారు నిర్మాణం వహించారు.
