బిగ్ బాస్ ఫెమ్ అర్జున్ అంబటి, చైతన్యరావు హీరోలుగా కొరమీను ఫేమ్ కిశోరి దాత్రక్ హీరోయిన్ గా రవి శంకర్ ప్రధాన పాత్రలో శ్రీమణి ఎంటర్టైన్మెంట్స్ పతాకంపై బేబీ వైష్ణవి ప్రెసెంట్స్, నిర్మాణం లేటెస్ట్ చిత్రం “తెప్ప సముద్రం”.
దర్శకుడు సతీష్ రాపోలు దర్శకత్వం వహించగా నీరుకంటి మంజుల రాఘవేందర్ గౌడ్ ఈ చిత్రాన్ని నిర్మించారు. ఈ చిత్రానికి పి.ఆర్ మ్యూజిక్ అందించాడు. అయితే ఈ శివరాత్రి సందర్భంగా తెప్ప సముద్రం టీజర్ ని అల్లరి నరేష్ చేతుల మీదుగా రిలీజ్ చేయడం జరిగింది.
క్రైమ్ థ్రిల్లర్ బ్యాక్ డ్రాప్ లో థ్రిల్లింగ్ ఎలిమెంట్స్ తో వచ్చిన ఈ టీజర్ పై అల్లరి నరేష్ మాట్లాడుతూ..”తెప్ప సముద్రం టీజర్ చూడగానే ఒక మంచి థ్రిల్లర్ ఫీల్ వచ్చింది. ఖచ్చితంగా మీ అందరికీ నచ్చుతుంది.ఈ సినిమాని పెద్ద హిట్ చేయగలరని కోరుకుంటున్నాను” అని అన్నారు.
అలాగే ఈ సందర్భంగా నిర్మాత నీరుకంటి మంజుల రాఘవేందర్ గౌడ్
మాట్లాడుతూ.. “నేను ఎంతగానో అభిమానించే నటుడు అల్లరి నరేష్ గారి చేతుల మీదుగా తెప్ప సముద్రం టీజర్ రిలీజ్ అవ్వడం చాలా సంతోషంగా ఉంది” అన్నారు.
ఇక దర్శకుడు సతీష్ రాపోలు మాట్లాడుతూ..”మా సినిమా టీజర్ అల్లరి నరేష్ గారి చేతుల మీదుగా రిలీజ్ చేయడం చాలా సంతోషంగా ఉంది,ఏప్రిల్ 12 న మీ ముందుకు రాబోతుంది. ” అని తెలిపారు.
అలాగే ఫైనల్ గా హీరో అర్జున్ అంబటి మాట్లాడుతూ “నరేష్ అన్న అడగ్గానే మా చిత్రం టీజర్ రిలీజ్ చేసినందుకు చాలా సంతోషంగా ఉంది..తెప్ప సముద్రం మంచి థ్రిల్లర్ కాన్సెప్ట్ తో మీ ముందుకు వస్తున్నాం..ఈ సినిమాని పెద్ద హిట్ చేస్తారని కోరుకుంటున్నాను..” అని తెలిపారు.