అల్లరి నరేష్ నటిస్తున్న లేటెస్ట్ మూవీ ‘బచ్చల మల్లి’ ప్రేక్షకుల్లో మంచి బజ్‌ని క్రియేట్ చేసింది. ఈ సినిమా నుండి రిలీజ్ అయిన పోస్టర్స్, వీడియో గ్లింప్స్‌లు పాజిటివ్ వైబ్స్ క్రియేట్ చేశాయి. అయితే, తాజాగా ఈ సినిమా టీజర్‌ను రిలీజ్ చేశారు మేకర్స్. ఈ టీజర్ ఆద్యంతం యాక్షన్ ప్యాక్డ్‌గా కట్ చేశారు చిత్ర యూనిట్.
అల్లరి నరేష్ ఈ సినిమాలో పూర్తిగా రఫ్ అండ్ రగడ్ లుక్‌లో కనిపించడమే కాకుండా.. మొండితనం, మూర్ఖత్వం ఉన్న బచ్చల మల్లి పాత్రలో నటిస్తున్నాడు. ఈ టీజర్‌లో ఆయన చేసిన పర్ఫార్మెన్స్ శాంపిల్ మాత్రమే అనేలా ఉంది. ఇక ఎమోషనల్‌గానూ ఈ సినిమాలో మంచి స్టఫ్ ఉంటుందని టీజర్ చూస్తే అర్థమవుతోంది. యాక్షన్‌తో పాటు మంచి ప్రేమకథ కూడా ఈ సినిమాలో ఉండబోతున్నట్లు చిత్ర యూనిట్ తెలిపింది.
ఈ టీజర్‌తో అల్లరి నరేష్ మరోసారి ‘బచ్చల మల్లి’గా అదరగొట్టేందుకు సిద్ధమయ్యాడని ప్రేక్షకులు అంటున్నారు. ఈ సినిమాలో అందాల భామ అమృత అయ్యర్ హీరోయిన్‌గా నటిస్తోంది. విశాల్ చంద్రశేఖర్ సంగీతం అందించిన ఈ సినిమాను సుబ్బు మంగాదేవి డైరెక్ట్ చేస్తున్నాడు. డిసెంబర్ 20న ఈ చిత్రాన్ని గ్రాండ్ రిలీజ్ చేసేందుకు మేకర్స్ రెడీ అవుతున్నారు.
