హీరో అల్లరి నరేష్ రస్టిక్ యాక్షన్ ఎంటర్‌టైనర్ ‘బచ్చల మల్లి’. ‘సోలో బ్రతుకే సో బెటర్’ ఫేమ్ సుబ్బు మంగాదేవి ఈ చిత్రానికి దర్శకత్వం వహిస్తున్నారు. అమృత అయ్యర్ హీరోయిన్ గా నటిస్తున్నారు. సామజవరగమన, ఊరు పేరు భైరవకోన బ్లాక్ బస్టర్స్ తర్వాత హాస్య మూవీస్ బ్యానర్‌పై రాజేష్ దండా, బాలాజీ గుత్తా ఈ చిత్రాన్ని నిర్మించారు. ఇప్పటికే విడుదలైన టీజర్, పాటలకు ట్రెమండస్ రెస్పాన్స్ వచ్చింది. ‘బచ్చల మల్లి’ డిసెంబర్ 20న క్రిస్మస్ సందర్భంగా విడుదల కానుంది. ఈ సందర్భంగా హీరో అల్లరి నరేష్ విలేకరుల సమావేశంలో సినిమా విశేషాల్ని పంచుకున్నారు.

బచ్చల మల్లి కథలో మిమ్మల్ని ఎట్రాక్ట్ చేసిన అంశాలు ఏమిటి?

డైరెక్టర్ సుబ్బు గారు ఈ కథ చెప్పినప్పుడు సింగల్ సిట్టింగ్‌లోనే ఓకే అయింది. కథ అంత అద్భుతంగా ఉంది. ఇప్పటివరకు నేను చేసిన సినిమాల్లో చాలా వేరియేషన్స్ ఉన్న క్యారెక్టర్ ఇది. ఇందులో హాస్యరసం తప్పా అన్ని వేరియేషన్స్ ఉన్నాయి. నాంది తర్వాత డిఫరెంట్ సినిమాలని చేద్దామనుకున్నాను. నిర్మాత రాజేష్ గారికి కూడా ఈ కథ చాలా నచ్చింది. ఆయన చాలా ఎమోషనల్‌గా కనెక్ట్ అయ్యారు. అలా ఈ ప్రాజెక్టు మొదలైంది.

బచ్చలమల్లి క్యారెక్టర్ ఇంపాక్ట్ ఎలా ఉంటుంది?

‘గమ్యం’లో గాలి శీను ఎలా గుర్తుండిపోయాడో ‘బచ్చల మల్లి’ కూడా ఓ పదేళ్ళ పాటు గుర్తుండిపోతాడు. నా కంఫర్ట్ జోన్ నుంచి బయటకు వచ్చి కొత్తగా ట్రై చేశాను. ఇది ఆటో బయోగ్రఫీ కాదు. డైరెక్టర్ సుబ్బు గారి ఊర్లో ‘బచ్చల మల్లి’ అనే ఒక క్యారెక్టర్ ఉంది. ఆయన ఊర్లో గొడవలను కూడా తన గొడవలుగా ఫీల్ అయ్యే మనిషి. ఆయన జీవితంలోని మూడు ఇన్సిడెంట్స్‌ని తీసుకొని కంప్లీట్‌గా ఒక డిఫరెంట్ సబ్జెక్టు చెప్పడం జరిగింది.

ఈ సినిమాలో మీకు మోస్ట్ ఛాలెంజింగ్ పార్ట్ ఏంటి?

మా డైరెక్టర్ గారు నడకలో కూడా ఒక మూర్ఖత్వం చూపించాలి అని అడిగారు. ప్రతిదీ కొత్తగా చేయాలనే ఉద్దేశంతో చాలా జాగ్రత్తలు తీసుకున్నారు. నా గత సినిమాల బాడీ లాంగ్వేజ్ ఎక్కడా కూడా కనిపించకూడదని చాలా జాగ్రత్త పడ్డారు. ఈ సినిమా చూసిన ఐదు నిమిషాల తర్వాత అల్లరి నరేష్‌ని మర్చిపోయి బచ్చల మల్లినే చూస్తారు.

లుక్ విషయంలో ఎలాంటి జాగ్రత్తలు తీసుకున్నారు?

ఈ కథ 90లో జరుగుతుంది. బచ్చల మల్లి చాలా రస్టిక్ క్యారెక్టర్. తను ట్రాక్టర్ నడుపుతుంటాడు. తన బాడీ గురించి ఎక్కువ కేర్ తీసుకునే పర్సన్ కాదు. అలాంటి లుక్‌ని తీసుకురావడం కోసం హెయిర్‌కి కాస్త రెడ్డిష్ కలర్ ట్రై చేశాం.

ఇందులో హీరోకి మూర్ఖత్వం ఎక్కువ ఉంటుంది కదా.. మరి దీనికి సంబంధించిన బ్యాక్ స్టోరీ ఏమైనా ఉంటుందా?

ఉంది. ఫాదర్ అండ్ సన్, మదర్ అండ్ సన్ ఎమోషన్ ఉంటుంది. నన్ను వద్దనుకుంటే నాకు ఎవరు వద్దు అనుకునే క్యారెక్టర్. ఒక క్యారెక్టర్‌తో డిస్కనెక్ట్ అయితే ఇంకా చాప్టర్‌ని క్లోజ్ చేసే క్యారెక్టర్. ఇందులో యాక్షన్ కథకి తగ్గట్టుగానే ఉంటుంది.

ఇందులో లవ్ స్టోరీ కి ఎలాంటి ప్రాధాన్యత ఉంటుంది?

బచ్చలమల్లి జీవితంలోకి కావేరి అనే అమ్మాయి ఎంటర్ అయిన తర్వాత ఆ అమ్మాయి కోసం మారుతాడు. ఆ మారే క్రమంలో తను చేసిన పాత తప్పులన్నీ ఎదురవుతుంటాయి. ఫైనల్ గా తను ఏ వైపు టర్న్ తీసుకున్నాడు అనేది ఇంట్రెస్టింగ్ గా ఉంటుంది. అమృత అయ్యర్ చాలా చక్కగా పెర్ఫార్మ్ చేసింది. తన క్యారెక్టర్ కి మంచి పేరొస్తుంది.

విశాల్ చంద్రశేఖర్ మ్యూజిక్ గురించి?

విశాల్ చంద్రశేఖర్ మ్యూజిక్ నాకు చాలా ఇష్టం. రీసెంట్ టైంలో సీతారామం పాటలన్నీ సూపర్ హిట్. అవన్నీ నాకు చాలా నచ్చాయి. ఇందులో నాలుగు సాంగ్స్ ఉన్నాయి. చాలా టైం తీసుకుని చాలా బ్యూటిఫుల్‌గా ఆ పాటల్ని చేయడం జరిగింది. పాటలకు చాలా ప్రాముఖ్యత ఉంటుంది. బ్యాగ్రౌండ్ స్కోర్ ని చాలా అద్భుతంగా చేశారు. ఆడియన్స్ కి ఒక మంచి ఎక్స్పీరియన్స్ ఉంటుంది.

సుడిగాడు 2 ఎంతవరకు వచ్చింది?

రైటింగ్ జరుగుతుంది. ఈసారి పాన్ ఇండియా వెళ్తున్నాం. కాబట్టి ఇంకాస్త టైం పడుతుంది.