టాలీవుడ్‌లో ఇటీవల రిలీజ్ అయిన ‘ఆయ్’ చిత్రం బాక్సాఫీస్ దగ్గర పాజిటివ్ టాక్‌తో దూసుకుపోతుంది. ఈ సినిమాను దర్శకుడు అంజి కె మణిపుత్ర పూర్తి కామెడీ ఎంటర్‌టైనర్‌గా తెరకెక్కించిన తీరు ప్రేక్షకులను ఇంప్రెస్ చేసింది. ఇక ఈ సినిమాలో నార్నె నితిన్, నయన్ సారిక, కసిరెడ్డి రాజ్‌కుమార్, అంకిత్ కొయ్య ముఖ్య పాత్రల్లో నటించారు.
ఈ సినిమాకు బాక్సాఫీస్ దగ్గర మంచి హిట్ టాక్ రావడంతో చిత్ర యూనిట్‌కి అభినందనల వెల్లువ లభిస్తోంది. తాజాగా ఈ చిత్ర యూనిట్‌ని ఐకాన్ స్టార్ అల్లు అర్జున్ అభినందించాడు. ఓ మంచి చక్కటి సినిమాతో ప్రేక్షకులను అలరించడంలో సక్సెస్ అయిన ‘ఆయ్’ టీమ్‌ను ఆయన మెచ్చుకున్నారు. ఇక దీనికి సంబంధించిన ఫోటోలు నెట్టింట చక్కర్లు కొడుతున్నాయి.
ఆయ్ చిత్రాన్ని ప్రముఖ నిర్మాత బన్నీ వాస్, విద్య కొప్పినీడి ప్రొడ్యూస్ చేశారు. రామ్ మిర్యాల, అజయ్ అర సడ ఈ చిత్రానికి సంగీతం అందించారు.