ఐకాన్ స్టార్ అల్లు అర్జున్ హీరోగా క్రియేటివ్ డైరెక్టర్ సుకుమార్ దర్శకత్వంలో రాబోతున్న ‘పుష్ప 2 ది రూల్’ నుంచి నిన్న స్పెషల్‌ సాంగ్‌ ‘కిస్సిక్‌’ వచ్చేసింది. ఎప్పుడెప్పుడు విడుదలవుతుందా? అని ఎదురుచూసిన ఈ పాట లిరికల్‌ వీడియో ప్రస్తుతం విపరీతంగా ఆకట్టుకుంటుంది. ముఖ్యంగా లిరిక్స్ తో పాటు శ్రీలీల – బన్నీ స్టెప్స్ బాగా అలరిస్తున్నాయి. అటు బన్నీ – శ్రీలీల కెమిస్ట్రీ కూడా చాలా బాగుంది. అయితే, చెన్నై వేదికగా నిర్వహించిన పుష్ప 2 వైల్డ్ ఫైర్ ఈవెంట్ లో.. దేవిశ్రీ ప్రసాద్‌, వచ్చే వారం రాబోతున్న మరో పాట గురించి చేసిన కామెంట్స్ ప్రస్తుతం హాట్ టాపిక్ గా మారాయి.
ఇంతకీ, దేవిశ్రీ ప్రసాద్‌ ఏం మాట్లాడారు అంటే.. ‘నేను ‘పుష్ప 2’ చిత్రం ప్రథమార్ధం చూసినప్పుడే ఫిదా అయిపోయాను. ద్వితీయార్ధం చూశాక మతిపోయింది. నిజంగా అల్లు అర్జున్ తన నట విశ్వరూపం చూపించాడు. ముఖ్యంగా వచ్చే వారం మరో పాట వస్తుంది. ఆ పాటలో బన్నీ ఊరమాస్‌ స్టెప్పులు చూస్తారు’ అంటూ దేవిశ్రీ ప్రసాద్‌ చెప్పుకొచ్చాడు. మరి ఆ పాట ఎలా ఉంటుందో.. నిజంగానే బన్నీ ఊరమాస్‌ స్టెప్పులు ఎలా ఉంటాయో చూడాలని ఫ్యాన్స్ ఆసక్తిగా ఎదురుచూస్తున్నారు. ఈ మూవీలో నేషనల్ క్రష్ రష్మిక మందన్న హీరోయిన్ గా నటిస్తుంది. కాగా మైత్రి మూవీ మేకర్స్ సంస్థ పై నవీన్ ఎర్నేని, వై. రవిశంకర్ పాన్ ఇండియన్ రేంజ్ లో గ్రాండ్ గా నిర్మిస్తున్నారు.
