ఐకాన్ స్టార్ అల్లు అర్జున్ నటిస్తున్న ది మోస్ట్ అవైటెడ్ మూవీ ‘పుష్ప-2’ కోసం అభిమానులు ఏ రేంజ్‌లో వెయిట్ చేస్తున్నారో అందరికీ తెలిసిందే. ఈ సినిమాను క్రియేటివ్ జీనియస్ సుకుమార్ తెరకెక్కించిన ‘పుష్ప’ మూవీకి సీక్వెల్‌గా రానుంది. ఈ చిత్రంతో మరోసారి ఇండియన్ బాక్సాఫీస్‌ను షేక్ చేసేందుకు బన్నీ రెడీ అవుతున్నాడు.
అయితే, ‘పుష్ప-2’ మూవీ కోసం అల్లు అర్జున్ పక్కా ప్లానింగ్‌తో అడుగులు వేస్తున్నాడు. తొలిభాగం చిత్రాన్ని ఉత్తరాదిన ఎలాంటి ప్రమోషన్స్ లేకుండానే పాన్ ఇండియా మూవీగా రిలీజ్ చేశారు. అయితే, ఆ చిత్రానికి నార్త్‌లో భారీ కలెక్షన్స్ వచ్చాయి. దీంతో ఈసారి ‘పుష్ప-2’ చిత్రాన్ని నార్త్‌లో సాలిడ్‌గా ప్రమోట్ చేసేందుకు బన్నీ రెడీ అవుతున్నాడు.
ఇక మేకర్స్ కూడా ‘పుష్ప-2’ నార్త్ ప్రమోషన్స్‌కి కావాల్సినంత బడ్జెట్‌ని కూడా కేటాయించనుంది. దీంతో నార్త్‌లో ‘పుష్ప-2’ మూవీపై కూడా భారీ హైప్ క్రియేట్ చేయవచ్చని చిత్ర యూనిట్ భావిస్తుంది. ఇక ఈ సినిమాలో నేషనల్ క్రష్ రష్మిక మందన్న హీరోయిన్‌గా నటిస్తుండగా ఈ చిత్రాన్ని డిసెంబర్ 6న గ్రాండ్ రిలీజ్ చేసేందుకు చిత్ర యూనిట్ రెడీ అవుతోంది.