ఐకాన్ స్టార్ అల్లు అర్జున్ హీరోగా క్రియేటివ్ డైరెక్టర్ సుకుమార్ దర్శకత్వంలో రాబోతున్న ‘పుష్ప 2 ది రూల్’ కోసం ఫ్యాన్స్ ఎంతో ఆసక్తిగా ఎదురుచూస్తున్నారు. డిసెంబర్ 05న ఈ సినిమా గ్రాండ్ గా రిలీజ్ కానుంది. ప్రస్తుతం ప్రమోషన్ కార్యక్రమాలను ముమ్మరంగా చేస్తున్నారు మేకర్స్. ఇందులో భాగంగా నిన్న రాత్రి చెన్నై వేదికగా పుష్ప 2 వైల్డ్ ఫైర్ ఈవెంట్ నిర్వహించారు. ఈ వేడుకలో అల్లు అర్జున్ ‘పుష్ప 2’ మేకర్స్ అందరికీ ధన్యవాదాలు తెలిపాడు. అనంతరం ఫ్యాన్స్ గురించి మాట్లాడుతూ.. ‘నా ఫ్యాన్స్ అంటే నాకు పిచ్చబ్బా.. వారి కోసం ఎక్కడికైనా, ఎందాకైనా వస్తా. వారి వల్లే నేను ఈ స్థాయిలో ఉన్నాను. మీ (ఫ్యాన్స్) ప్రేమకు ఎప్పుడూ రుణపడి ఉంటాను’ అని బన్నీ తెలిపాడు.
అన్నట్టు ఈ వేడుకలో అల్లు అర్జున్, రష్మిక మందన్నా, శ్రీలీల, దేవిశ్రీ ప్రసాద్ తో సహా చిత్ర బృందం, పలువురు సినీ ప్రముఖులు హాజరయ్యారు. కాగా మైత్రి మూవీ మేకర్స్ సంస్థ పై నవీన్ ఎర్నేని, వై. రవిశంకర్ పాన్ ఇండియన్ రేంజ్ లో గ్రాండ్ గా నిర్మిస్తున్నారు. ఈ భారీ బడ్జెట్ చిత్రానికి దేవి శ్రీ ప్రసాద్ తో పాటు తమన్ కూడా సంగీతం అందిస్తున్నారు. అన్నట్టు శ్రీలీల, సునీల్, ఫహాద్ ఫాజిల్, అనసూయ భరద్వాజ్ మరియు బ్రహ్మాజీ వంటి తారాగణం ఈ సినిమాలో నటించింది. కాగా ఈ డిసెంబర్ 5న సినిమా గ్రాండ్ గా రిలీజ్ కి రాబోతుంది.