ఆంధ్రప్రదేశ్‌ ఉప ముఖ్యమంత్రి, పవర్ స్టార్ పవన్ కళ్యాణ్ పుట్టిన రోజు నేడు. ఈ సందర్భంగా పవర్ స్టార్ కు సినీ, రాజకీయ ప్రముఖులు సోషల్‌ మీడియా వేదికగా శుభాకాంక్షలు చెప్పడానికి పోటీ పడుతున్నారు. ఈ క్రమంలో అల్లు అర్జున్ తాజాగా పవన్ కళ్యాణ్ కి విషెస్ తెలుపుతూ ఎక్స్‌ (ట్విటర్‌)లో ఓ మెసేజ్ పోస్ట్ చేశారు. ‘హ్యాపీ బర్త్‌ డే పవర్ స్టార్, డిప్యూటీ సీఎం పవన్ కల్యాణ్‌ గారు’ అని అల్లు అర్జున్ తన పోస్ట్ లో పేర్కొనడం విశేషం.
మరోవైపు పవర్ స్టార్ కి పుట్టినరోజు శుభాకాంక్షలు చెప్పడంలో అభిమానులు ఫుల్ బిజీ అయిపోయారు. మెగాస్టార్ చిరంజీవి కూడా ఓ రేర్ ఫోటోని షేర్ చేస్తూ పవన్ కి స్పెషల్ బర్త్‌ డే విషెస్ చెప్పిన సంగతి తెలిసిందే. మరో సోదరుడు నాగబాబు కూడా పవర్ స్టార్ కి పుట్టినరోజు శుభాకాంక్షలు చెబుతూ.. ‘ఈ పుట్టినరోజు నాకు ఎంతో ప్రత్యేకం. ఎందుకంటే జెండా పట్టిన జనసైనికులకు, నమ్మి నడిచిన నాయకులకు, నువ్వు వస్తే మార్పు తెస్తావ్ అని ఎదురుచూసే నాలాంటి ఎంతోమందికి మర్చిపోలేని బహుమానం ఇచ్చిన ఏడాది కాబట్టి. ఉన్నత విలువలున్న వ్యక్తి ఉప ముఖ్యమంత్రిగా చేసుకుంటున్న మొదటి పుట్టినరోజు కాబట్టి మరీ ప్రత్యేకం. నిండు నూరేళ్లు ఆయురారోగ్యాలతో వర్ధిల్లు జనసేనాని’ నాగబాబు పోస్ట్ చేశారు.
