అల్లు శిరీష్ న‌టిస్తున్న తాజా చిత్రం ”బ‌డ్డీ” ఇప్ప‌టికే షూటింగ్ ప‌నులు ముగించుకుని రిలీజ్ కు రెడీ అయిన సంగతి తెలిసిందే. బ‌డ్డీ చిత్రంతో అల్లు శిరీష్ ఖ‌చ్చితంగా హిట్ కొట్టాల‌ని ప్ర‌య‌త్నిస్తున్నాడు. దీనికి త‌గ్గ‌ట్టుగానే ఈ సినిమా కథ ఉంటుంద‌ని చిత్ర యూనిట్ ధీమా వ్య‌క్తం చేస్తున్నారు. ఈ సినిమా ఫ‌స్ట్ లుక్ పోస్ట‌ర్స్, టీజర్, ట్రైల‌ర్లు ఈ సినిమాపై అంచ‌నాలు పెంచాయి.
ఇక ఈ సినిమాను జూలై 26న రిలీజ్ చేస్తున్న‌ట్లు చిత్ర యూనిట్ ఇప్ప‌టికే అఫీషియ‌ల్ గా అనౌన్స్ చేసింది. ఈ సినిమాను ప్ర‌ముఖ నిర్మాణ సంస్థ మైత్రీ మూవీ మేక‌ర్స్ వారు డిస్ట్రిబ్యూట్ చేస్తున్నారు. అయితే, ఇప్పుడు ఈ మూవీ రిలీజ్ డేట్ ను మేక‌ర్స్ వాయిదా వేశారు. ఈ చిత్రాన్ని ఆగ‌స్టు 2న రిలీజ్ చేస్తున్న‌ట్లు వారు తాజాగా అనౌన్స్ చేశారు.
జూలై 26న ధ‌నుష్ న‌టించిన ‘రాయ‌న్’మూవీ రిలీజ్ అవుతున్న నేప‌థ్యంలో ఈ నిర్ణ‌యం తీసుకున్న‌ట్లుగా తెలుస్తోంది. ఇక బ‌డ్డీ మూవీలో గాయ‌త్రి భ‌రద్వాజ్, ప్రిషా రాజేష్ సింగ్ హీరోయిన్లుగా న‌టిస్తున్నారు. శామ్ ఆంటోస్ ఈ సినిమాను డైరెక్ట్ చేస్తున్నారు.