తమిళ హీరో శివకార్తికేయన్ నటించిన లేటెస్ట్ మూవీ ‘అమరన్’ బాక్సాఫీస్ దగ్గర సెన్సేషనల్ హిట్‌గా నిలిచింది. మేజర్ ముకుంద్ వరదరాజన్ బయోపిక్ చిత్రంగా వచ్చిన ఈ సినిమాను దర్శకుడు రాజ్‌కుమార్ పెరియసామి డైరెక్ట్ చేశాడు. ఇక ఈ సినిమాలోని ఎమోషనల్ కంటెంట్, దేశభక్తి వంటి అంశాలు ప్రేక్షకులను ఆకట్టుకున్నాయి.
అయితే, ఇప్పుడు ఈ సినిమా ఓటీటీ స్ట్రీమింగ్ గురించి సినీ సర్కిల్స్‌లో చర్చ సాగుతోంది. ఈ చిత్రానికి సంబంధించిన ఓటీటీ స్ట్రీమింగ్ రైట్స్‌ను నెట్‌ఫ్లిక్స్ సొంతం చేసుకున్న సంగతి తెలిసిందే. ‘అమరన్’ చిత్రాన్ని డిసెంబర్ తొలివారం లేదా రెండో వారంలో స్ట్రీమింగ్‌కి తీసుకురావాలని నెట్‌ఫ్లిక్స్ భావిస్తుందట. ఈ సినిమాను అంతకంటే ముందే, స్ట్రీమింగ్ చేయాలని భావించినా.. బాక్సాఫీస్ దగ్గర ఈ మూవీ హిట్ కావడంతో ఇప్పుడు డిసెంబర్‌లో ఈ చిత్రాన్ని ఓటీటీ స్ట్రీమింగ్ చేసేందుకు రెడీ అవుతోంది.
ఇక ఈ సినిమాలో అందాల భామ సాయి పల్లవి ట్రెమెండస్ పర్ఫార్మెన్స్‌తో సినిమాను నెక్స్ట్ లెవెల్‌కి తీసుకెళ్లిందని ప్రేక్షకులతో పాటు క్రిటిక్స్ కూడా ప్రశంసలు కురిపించారు. ఈ సినిమాను కమల్ హాసన్ ప్రొడ్యూస్ చేయగా జివి.ప్రకాష్ కుమార్ సంగీతం అందించాడు.