రెబల్ స్టార్ ప్రభాస్ హీరోగా, డైరెక్టర్ నాగ్ అశ్విన్ దర్శకత్వంలో తెరకెక్కిన మైథాలజీ సైన్స్ ఫిక్షన్ మూవీ కల్కి 2898ఎడి బాక్సాఫీస్ వద్ద భారీ బ్లాక్ బస్టర్ గా నిలిచింది. మంచి వసూళ్లతో ఈ చిత్రం దూసుకు పోతుంది. దీపికా పదుకునే, కమల్ హాసన్, అమితాబ్ బచ్చన్ లాంటి భారీ స్టార్స్ సినిమాలో కీలక పాత్రల్లో నటించారు. వెయ్యి కోట్ల క్లబ్ లో చేరిన ఈ చిత్రం సక్సెస్ పట్ల అమితాబ్ బచ్చన్ స్పెషల్ నోట్ ను షేర్ చేశారు. ఆ వీడియో సోషల్ మీడియాలో వైరల్ గా మారుతోంది.
సినిమా ఘనవిజయం సాధించేలా సపోర్ట్ చేసిన ప్రతి ఒక్కరికీ తన కృతజ్ఞతలు తెలిపారు. ఈ చిత్రానికి లభించిన అపారమైన ప్రశంసలు, ప్రేమ మరియు అభిమానం నిజంగా దాని విలువకు అర్హమైనదని, వెయ్యి కోట్లను అధిగమించిందని ఆయన వ్యాఖ్యానించారు. ప్రాజెక్ట్‌ పై నమ్మకం ఉంచినందుకు వైజయంతీ మూవీస్ బ్యానర్‌కి, ముఖ్యంగా ప్రియాంక దత్ మరియు స్వప్న దత్‌లకు మరియు కల్కి 2898 AD కోసం నాగ్ అశ్విన్ తన అసాధారణ దృష్టికి కృతజ్ఞతలు తెలిపారు.
చిత్రీకరణ మొత్తంలో సహకరించిన ప్రభాస్, కమల్ హాసన్ మరియు దీపికా పదుకొనే సహా మొత్తం తారాగణం మరియు చిత్ర యూనిట్ కి తన కృతజ్ఞతలు తెలిపారు. ప్రభాస్‌కి ఇది రొటీన్ కావచ్చు, అతని చాలా సినిమాలు ఈ వెయ్యి కోట్ల మార్క్‌ను దాటాయి. కానీ నాకు, కల్కి అనే ఈ గ్రాండ్ కాన్సెప్ట్‌లో భాగమైనందుకు నేను నిజంగా రుణపడి ఉన్నాను, చాలా కృతజ్ఞతతో ఉన్నాను. నేను సినిమాని ఎంతగా ఆస్వాదించానో తెలియజేసేందుకు పదాలు లేవు. నేను ఇప్పటికే సినిమాని నాలుగు సార్లు చూశాను అని అన్నారు. అంతేకాక సినిమా గొప్పతనాన్ని వర్ణిస్తూ, చిత్ర యూనిట్ కి కృతజ్ఞతలు తెలుపుతూ, నాగి పై ప్రశంసల వర్షం కురిపించారు. అంతేకాక కల్కి సీక్వెల్ కోసం ఎంతో ఆసక్తిగా ఎదురు చూస్తున్నట్లు తెలిపారు.
