బాలీవుడ్‌ అగ్ర నటుడు అమితాబ్ బచ్చన్‌ సోషల్‌ మీడియాలో నిత్యం ఎంతో యాక్టివ్‌ గా ఉంటారు. తాజాగా అమితాబ్ ఓ ఆసక్తికర వీడియోను పోస్ట్ చేశారు. 1990లో అమితాబ్ హీరోగా నటించిన ‘అగ్నిపథ్‌’లో రన్నింగ్‌ చేస్తున్న ఓ క్లిప్ ను.. ఇటీవల తన నివాసంలో పరిగెడుతున్న మరో క్లిప్‌ను కలిపి అమితాబ్ ఈ వీడియోని క్రియేట్‌ చేసి పోస్ట్ చేశారు. పైగా ఈ వీడియోకి అమితాబ్ ఓ క్యాప్షన్‌ కూడా పెట్టారు.
ఇంతకీ, ఆ క్యాప్షన్‌ ఏమిటంటే.. ‘అగ్నిపథ్‌’ నుంచి ఇప్పటికీ పని కోసం పరిగెడుతున్నా’ అని అమితాబ్ క్యాప్షన్‌ పెట్టారు. అమితాబ్ పెట్టిన ఈ పోస్ట్ పై పలువురు బాలీవుడ్‌ సినీ ప్రముఖులు, ఆయన అభిమానులు స్పందిస్తూ.. అమితాబ్ పై పొగడ్తల వర్షం కురిపిస్తున్నారు. ఈ క్రమంలోనే హీరో రణ్‌ వీర్‌ సింగ్‌ స్పందిస్తూ.. ‘ది సిగ్నేచర్‌ రన్నింగ్‌ స్టైల్‌’ అని పేర్కొన్నారు. ‘‘ఈ వయసులోనూ వర్క్‌ పట్ల మీరు చూపిస్తున్న నిబద్ధత మాలో స్ఫూర్తి నింపింది’’ అని రాసుకొచ్చారు.